ونەرپازدار كورەرمەندەرگە ەلباسىنىڭ قازاقستان رەسپۋبليكاسىنىڭ قارىشتاپ دامۋىنداعى ەڭبەگىن كورسەتەتىن قويىلىم تارتۋ ەتتى.
شىعىس قازاقستان وبلىسىنىڭ اكىمى ءىس-شاراعا قاتىسۋشىلاردى مەيراممەن قۇتتىقتاپ:
– بۇگىنگى مەرەكە – حالقىن اڭساعان ارمانىنا جەتكىزىپ، دەربەس مەملەكەت قۇرعان ءبىرتۋار پەرزەنتىنە دەگەن ۇلتىنىڭ ىستىق ىقىلاسى. ەرەن ەڭبەك، ساليحالى ساياساتىمەن تاريحي قىسقا ۋاقىتتا قازاقستاندى دۇنيە جۇزىنە تانىتقان كەمەڭگەر ەلباسىمىزعا دەگەن حالقىنىڭ اق نيەتى. قازاقستان، تاۋەلسىزدىك، پرەزيدەنت نۇرسۇلتان نازاربايەۆ بىر-بىرىنەن اجىراماس ۇعىمدار، – دەدى.
تاماشا كونسەرتتىك باعدارلاما وبلىس ونەرپازدارىنىڭ ونەر كورسەتۋىمەن جالعاسىن تاپتى. شىعىسقازاقستاندىقتاردى قۇتتىقتاۋ ءۇشىن «استانا وپەرا» تەاترىنىڭ سوليستەرى الفيا كاريموۆا مەن مەدەت چوتوبايەۆ كەلدى.
جالپى، مەرەكەگە وراي وڭىردە 300-دەن استام ءىس-شارالار ۇيىمداستىرىلعان. بۇگىن وبلىستىق كىتاپحانادا قازاقستان رەسپۋبليكاسى پرەزيدەنتىنىڭ وقۋ زالى جانە قازاقستان حالقى اسسامبلەياسىنىڭ مۇراجايى اشىلدى.
سونداي-اق، ايماقتا پرەزيدەنتى كۇنىنە وراي ەلباسى كىتاپحاناسىنىڭ وقۋ زالىنىڭ اشىلۋ سالتاناتى ءوتتى. ايتا كەتۋ كەرەك، بۇل زال قازاقستانداعى ءبىرىنشى ايماقتىق وقۋ زالى.
زاماناۋي وقۋ زالىنا ەلباسى كىتاپحاناسىنىڭ جەكە مۇراعاتىنان جادىگەرلەر مەن كىتاپتار قويىلعان. سونداي-اق، تۇڭعىش پرەزيدەنت كىتاپحاناسى ارقىلى وقۋ زالى الەمدىك باسپالاردىڭ ليسەنزيالىق دەرەكقورلارىنا شىعۋعا بولادى.
– ق ر تۇڭعىش پرەزيدەنتى – ەلباسى كىتاپحاناسىنىڭ العاشقى ايماقتىق وقۋ زالىنىڭ شىعىس قازاقستاندا اشىلۋى كەزدەيسوقتىق ەمەس. ايماعىمىز ءار سالا بويىنشا جوعارى كورسەتكىشتەرگە جەتىپ، رەسپۋبليكالىق دەڭگەيدە الدىڭعى ورىنان كورىنۋدە. اتالعان زالدىڭ اشىلۋىنا قولداۋ بىلدىرگەن ازاماتتار مەن كاسىپورىندارعا العىسىمدى بىلدىرەمىن، – دەدى شقو اكىمىنىڭ ورىنباسارى اسەم ءنۇسىپوۆا.
الداعى ۋاقىتتا ينتەراكتيۆتى تاقتا جانە زاماۋي تەحنيكامەن جابدىقتالعان وقۋ زالىنىڭ بولىمىندە وقىرماندارعا ارنالعان ءتۇرلى ونلاين رەجيمدە سەمينارلار وتكىزىلمەك.
"قمد" اقپارات
