Halyqpen onlaıyn júzdesýde Danıal Ahmetovke Aıagóz aýdany, Aqshı aýylynan baılanysqa shyqqan kópbalaly ana Araılym Túsipjanova kóp jyldar boıy sheshimin tappaı kele jatqan úı qujattarynyń zańdastyrýǵa yqpal etkeni úshin alǵys bildirdi.
Al, Zaısan qalasynyń ardager maıory Manat Dalabaev aǵymdaǵy jyldyń aqpan aıynda gaz máselesiniń sheshimin tapqany úshin oblys basshysyna alǵys bildirip, Novatorov kóshesindegi Shyǵys Qazaqstan oblysy Polısıa Departamentiniń gospıtali jabylady degen sybys qanshalyqty shyndyqqa janasatynyn surady. Osy rette ardagerdi mazalaǵan suraqqa SHQO PD bastyǵy Saǵat Mádıev jaýap berdi:
– Gospıtáldi eshkim jabaıyn dep jatqan joq. Kerisinshe, ǵımaratty jóndep, kerekti jabdyqtarmen qamtamasyz etip jatyrmyz, – dedi.
Onlaın kezdesýge kelgender arasynda oblystaǵy qysqy iri demalys bazalarynyń birinde jazataıym qaıtys bolǵan qyzdyń anasy Araılym Boltaeva da boldy. Esterińizge sala keteıik, synyptastarymen birge demalysqa barǵan 11 synyp oqýshysy tyıym salynǵan jerden stúbpen syrǵanap, ómirge sáıkes kelmeıtin jaraqat alyp, saldarynan kóz jumǵan edi.
– Meniń jalǵyz qyzym osy demalys ornynda qaıtys boldy. Demalys ornyna joldamany mektep muǵalimderi satyp alǵan. Týrızm jáne syrtqy baılanystar basqarmasy basshysynyń aıtýynsha, joldama týrısik emes, biraq olarǵa lısenzıa berilipti. Lısenzıa kýrorttyń qandaı naqty qyzmetterine berilgen? – dep suraq qoıdy Araılym Boltabaeva.
Aımaq basshysy Danıal Ahmetovtiń aıtýynsha, bul máselede olqylyqtar ekenin alǵa tartty.
– Ókinishke oraı, búginde «Ruqsattar jáne habarlamalar týraly» QR Zańyna sáıkes taý shańǵysy trassalaryn ornatý jáne paıdalaný lısenzıalanatyn qyzmet túri bolyp tabylmaıdy. Týrısik sektordyń bul túrine baqylaý joq. Jergilikti atqarýshy organdar týraly Zańǵa sáıkes, biz osy kásiptik nysandarynyń órt qaýipsizdigi men sanıtarlyq jaǵdaıyn ǵana teksere alamyz. Sondyqtan biz qazir týrısik qyzmettiń bul túri lısenzıalanatyn bolýy úshin QR Úkimetine, tıisti mınıstrlikke qujat daıyndaımyz. Taý shańǵysy bazalary standarttarǵa saı jáne eń aldymen qaýipsiz bolýy kerek, – dep qorytyndylady SHQO ákimi Danıal Ahmetov.
Al daıyndalar qujatty eki jaq taǵy bir márte kezdesip, naqty usynystar retin talqylaı pysyqtaıtyn bolady.
SHQO ákiminiń baspasóz qyzmeti
