«Damý» qory kásipkerlermen jaqsy jumys istegen menedjerlerin marapattady
Baiqaý 2016 jyldyń qorytyndy kórsetkishteri boiynsha ótkizildi. Oǵan Qazaqstannyń barlyq oblystary men Almaty, Astana qalalarynan 436 qyzmetker jáne «Damý» qorynyń aimaqtyq filialdarynan 83 menedjer qatysty.
– Biylǵy III baiqaýdyń talap aiasy keńeigen. Baǵalaý barysynda nesieniń qarjy kózi de esepke alyndy. Iaǵni, bul «Damý» qory bólgen qarjy ma, álde banktiń baiqaýǵa qatysý balyn kótere túsetin óz qarjysy ma degen tustar da eskerildi. Biz kepildik berýde jyldam sheshim shyǵarý, aýyldyq jerlerdegi jobalarǵa qoldaý, «Damý» qorynyń kepildigimen bankte jeke qyzmet túrin qurý sekildi optsiialardy da engizdik. Bul jaǵdaida bank óz klientteri úshin óz qyzmet túrin engizýi kerek. Biraq «Damý» qorynyń kepildeme berý quralyn paidalaný mindetti. Buǵan deiingi baiqaýlarda kepildeme berý sharty sany men baiqaýǵa qatysýshynyń qorjynynda qaitpai qalǵan nesieler bolmaýy basty talap bolatyn, – deidi «Damý» qory Basqarma tóraǵasynyń mindetin atqarýshy Miras Beisembaev.
2016 jyly «Damý» qory 1 182 jobaǵa kepildik bergen. Olardyń 951-imen shartqa qol qoiylǵan.2016 jyly «Damý» Qorynyń kepildemesimen berilgen nesie kólemi 26,9 mlrd teńgeni qurasa, kepildeme somasy 11,9 mlrd teńge boldy.
