«دامۋ» قورى كەسٸپكەرلەرمەن جاقسى جۇمىس ٸستەگەن مەنەدجەرلەرٸن ماراپاتتادى
بايقاۋ 2016 جىلدىڭ قورىتىندى كٶرسەتكٸشتەرٸ بويىنشا ٶتكٸزٸلدٸ. وعان قازاقستاننىڭ بارلىق وبلىستارى مەن الماتى, استانا قالالارىنان 436 قىزمەتكەر جەنە «دامۋ» قورىنىڭ ايماقتىق فيليالدارىنان 83 مەنەدجەر قاتىستى.
– بيىلعى ٸٸٸ بايقاۋدىڭ تالاپ اياسى كەڭەيگەن. باعالاۋ بارىسىندا نەسيەنٸڭ قارجى كٶزٸ دە ەسەپكە الىندى. ياعني, بۇل «دامۋ» قورى بٶلگەن قارجى ما, ەلدە بانكتٸڭ بايقاۋعا قاتىسۋ بالىن كٶتەرە تٷسەتٸن ٶز قارجىسى ما دەگەن تۇستار دا ەسكەرٸلدٸ. بٸز كەپٸلدٸك بەرۋدە جىلدام شەشٸم شىعارۋ, اۋىلدىق جەرلەردەگٸ جوبالارعا قولداۋ, «دامۋ» قورىنىڭ كەپٸلدٸگٸمەن بانكتە جەكە قىزمەت تٷرٸن قۇرۋ سەكٸلدٸ وپتسييالاردى دا ەنگٸزدٸك. بۇل جاعدايدا بانك ٶز كليەنتتەرٸ ٷشٸن ٶز قىزمەت تٷرٸن ەنگٸزۋٸ كەرەك. بٸراق «دامۋ» قورىنىڭ كەپٸلدەمە بەرۋ قۇرالىن پايدالانۋ مٸندەتتٸ. بۇعان دەيٸنگٸ بايقاۋلاردا كەپٸلدەمە بەرۋ شارتى سانى مەن بايقاۋعا قاتىسۋشىنىڭ قورجىنىندا قايتپاي قالعان نەسيەلەر بولماۋى باستى تالاپ بولاتىن, – دەيدٸ «دامۋ» قورى باسقارما تٶراعاسىنىڭ مٸندەتٸن اتقارۋشى ميراس بەيسەمباەۆ.
2016 جىلى «دامۋ» قورى 1 182 جوباعا كەپٸلدٸك بەرگەن. ولاردىڭ 951-ٸمەن شارتقا قول قويىلعان.2016 جىلى «دامۋ» قورىنىڭ كەپٸلدەمەسٸمەن بەرٸلگەن نەسيە كٶلەمٸ 26,9 ملرد تەڭگەنٸ قۇراسا, كەپٸلدەمە سوماسى 11,9 ملرد تەڭگە بولدى.
