قاراعاندى وبلىستىق سوتى تەمٸرتاۋدا ەگدە جاستاعى ادامدى ۇرىپ-سوعىپ, قورلاعان جەنە توناعان توعىز ادامعا قاتىستى اپەللياتسييالىق شاعىمداردى قارادى. سوت بٸرٸنشٸ ساتىداعى ٷكٸمگە ٶزگەرٸس ەنگٸزٸپ, سوتتالعانداردىڭ بٸرٸنە تٷپكٸلٸكتٸ 6 جىل باس بوستاندىعىنان ايىرۋ جازاسىن بەلگٸلەدٸ, دەپ حابارلايدى dalanews.kz.
قاراعاندى وبلىستىق سوتىنىڭ باسپاسٶز قىزمەتٸنٸڭ مەلٸمەتٸنشە, قىلمىستىق ٸستەر جٶنٸندەگٸ سوت القاسى پروكۋروردىڭ ٶتٸنٸشحاتى مەن سوتتالعانداردىڭ جەنە ولاردىڭ قورعاۋشىلارىنىڭ اپەللياتسييالىق شاعىمدارىن قاراعان.
سوت القاسى بٸرٸنشٸ ساتىداعى سوتتىڭ ايىپتالۋشىلاردىڭ كٸنەسٸ دەلەلدەنگەنٸ تۋرالى قورىتىندىسىمەن كەلٸسكەن. سونىمەن قاتار ٷكٸمنٸڭ نەگٸزدەۋ بٶلٸگٸ قىلمىستىق كودەكستٸڭ تالاپتارىنا سەيكەستەندٸرٸلگەن.
سوتتالعانداردىڭ بٸرٸ ف.-عا بۇرىنعى ٷكٸم بويىنشا ٶتەلمەگەن جازا مەرزٸمٸنٸڭ بٸر بٶلٸگٸ قوسىلىپ, تٷپكٸلٸكتٸ 6 جىل باس بوستاندىعىنان ايىرۋ جازاسى تاعايىندالدى.
بۇدان بٶلەك, مەملەكەت كٸرٸسٸنە ٶندٸرٸلەتٸن پروتسەستٸك شىعىندار مەن جەبٸرلەنۋشٸلەرگە ٶتەماقى قورىنا تٶلەنەتٸن مٸندەتتٸ تٶلەمدەرگە قاتىستى ٶزگەرٸستەر ەنگٸزٸلدٸ.
ٷكٸمنٸڭ قالعان بٶلٸگٸ ٶزگەرٸسسٸز قالدىرىلدى. پروكۋروردىڭ اپەللياتسييالىق ٶتٸنٸشحاتى ٸشٸنارا قاناعاتتاندىرىلىپ, سوتتالعاندار مەن ولاردىڭ قورعاۋشىلارىنىڭ شاعىمدارى قاناعاتتاندىرىلمادى.
زەينەتكەردٸ ۇرىپ, قورلاعان سەتتەردٸ ۆيدەوعا تٷسٸرگەن
سوت انىقتاعانداي, 2025 جىلعى 14 جەنە 21 اقپاندا ايىپتالۋشىلار ەگدە جاستاعى ادامنىڭ پەتەرٸنە ەكٸ رەت زاڭسىز كٸرگەن. جەبٸرلەنۋشٸنٸڭ قارسىلىق كٶرسەتە المايتىنىن پايدالانعان ولار ونى بٸرنەشە رەت ۇرىپ, بەتٸنە تٷكٸرٸپ, ار-نامىسى مەن قادٸر-قاسيەتٸن قورلاعان. قىلمىستىق ەرەكەتتەرٸن ۇيالى تەلەفونعا تٷسٸرگەن.
سالدارىنان جەبٸرلەنۋشٸنٸڭ دەنساۋلىعىنا ورتاشا اۋىرلىقتاعى زييان كەلتٸرٸلٸپ, ماتەريالدىق شىعىن كەلگەن.
بۇدان بٶلەك, 2025 جىلعى 24 ناۋرىزدا كەمەلەتكە تولماعان سوتتالۋشىلاردىڭ بٸرٸ باسقا ادامدارمەن بٸرگە تاعى بٸر تۇرعىننىڭ پەتەرٸنە كٸرٸپ, ونى ۇرىپ-سوققان. جەبٸرلەنۋشٸنٸڭ دەنساۋلىعىنا جەڭٸل زييان كەلتٸرٸلٸپ, 95 مىڭ تەڭگەنٸڭ مٷلكٸ ۇرلانعان.
ٸس قوعامدا ٷلكەن رەزونانس تۋدىرعان
بۇعان دەيٸن قاراعاندى وبلىسىنىڭ كەمەلەتكە تولماعاندار ٸستەرٸ جٶنٸندەگٸ مامانداندىرىلعان اۋدانارالىق سوتى ايىپتالۋشىلاردى كٸنەلٸ دەپ تانىپ, 5 جىلدان 7 جىلعا دەيٸن باس بوستاندىعىنان ايىرۋ جازاسىن تاعايىنداعان.
ەسكە سالايىق, 2025 جىلى تەمٸرتاۋدا 67 جاستاعى ەر ادامدى قورلاعان جاسٶسپٸرٸمدەردٸڭ ۆيدەوسى ەلەۋمەتتٸك جەلٸلەردە تارالىپ, قوعامدا ٷلكەن نارازىلىق تۋعىزعان.
كەيٸن كٷدٸكتٸلەردٸڭ كەيبٸرٸن باسقا جاستار سوققىعا جىعىپ, ونى دا ۆيدەوعا تٷسٸرگەن. بۇل وقيعا قوعامدا ٶز بەتٸنشە جازالاۋ ەرەكەتٸ رەتٸندە باعالانعان.
وقيعادان كەيٸن تەمٸرتاۋ ەكٸمٸنٸڭ ەلەۋمەتتٸك مەسەلەلەر جٶنٸندەگٸ ورىنباسارىنا قاتاڭ سٶگٸس جارييالانعان. سونداي-اق كٷدٸكتٸ جاسٶسپٸرٸمدەر وقىعان بٸلٸم بەرۋ ۇيىمدارى ديرەكتورلارىنىڭ ورىنباسارلارى تەرتٸپتٸك جاۋاپكەرشٸلٸككە تارتىلعان.
قاراعاندى وبلىستىق سوتىنىڭ مەلٸمەتٸنشە, اپەللياتسييالىق ساتىنىڭ شەشٸمٸنەن كەيٸن ٷكٸم زاڭدى كٷشٸنە ەندٸ.