رەسەي ەسكەرٸ ۋكرايناعا زىمىراندار مەن 400-دەن استام ۇشقىشسىز ۇشۋ اپپاراتىن قولدانىپ, جاپپاي شابۋىل جاسادى. سالدارىنان كەمٸندە سەگٸز ادام قازا تاۋىپ, ونداعان ادام جارالاندى. كيەۆتەگٸ دنەپر ٶزەنٸ ارقىلى ٶتەتٸن ٷش كٶپٸر زاقىمدانىپ, ەلدٸڭ بٸرقاتار ٶڭٸرٸندە ەلەكتر جارىعى ٶشتٸ, دەپ حابارلايدى dalanews.kz.
ۋكراينا ەۋە كٷشتەرٸنٸڭ مەلٸمەتٸنشە, شابۋىل كەزٸندە رەسەي 84 قاناتتى زىمىران, بالليستيكالىق زىمىراندار جەنە 400-دەن استام شابۋىلداۋشى درون قولدانعان. قاناتتى زىمىرانداردىڭ باسىم بٶلٸگٸ ەۋە شابۋىلىنا قارسى قورعانىس جٷيەلەرٸ ارقىلى جويىلعان.
كيەۆ قالاسىنىڭ مەرٸ ۆيتاليي كليچكونىڭ حابارلاۋىنشا, پودولسك-ۆوسكرەسەنسكيي, دارنيتسكيي جەنە وڭتٷستٸك كٶپٸرلەر زاقىمدانعان. ولاردىڭ كەيبٸرٸندە كٶلٸك قوزعالىسى تولىق توقتاتىلىپ, قالعاندارىندا شەكتەۋلەر ەنگٸزٸلگەن. قالا بيلٸگٸ تۇرعىنداردى جەكە كٶلٸكپەن جٷرۋدٸ شەكتەۋگە جەنە مٷمكٸندٸگٸنشە قاشىقتان جۇمىس ٸستەۋگە شاقىردى.
شابۋىل سالدارىنان كيەۆتە التى ادام قازا تاۋىپ, بٸرقاتار تۇرعىن جارالانعان. سونىمەن قاتار سۋ شارۋاشىلىعى نىسانىنا جاسالعان سوققىدان كوممۋنالدىق كەسٸپورىننىڭ ٷش قىزمەتكەرٸ كٶز جۇمعان. قالاداعى بٸرنەشە اۋداندا سۋ قىسىمى تٶمەندەپ, كەيبٸر تۇرعىن ٷيلەردە سۋ بەرۋ ۋاقىتشا توقتاۋى مٷمكٸن.
لۆوۆ وبلىسىنداعى سكنىليۆ تەمٸرجول ستانتسيياسىنا جاسالعان شابۋىلدان تاعى ەكٸ ادام قازا تاپقان. دنەپروپەتروۆسك وبلىسىندا تۇرعىن ٷيلەر زاقىمدانىپ, حاركوۆ قالاسىندا اۋرۋحاناعا درون سوققىسى تيگەن. بۇل ٶڭٸرلەردە دە جارالانعاندار بار.
ۋكراينانىڭ ەنەرگەتيكالىق وپەراتورى Ukrenergo شابۋىلداردان كەيٸن ەلەكتر جٷيەسٸندەگٸ جاعدايدى ٶتە كٷردەلٸ دەپ باعالادى. لۆوۆ, زاكارپات جەنە يۆانو-فرانكوۆسك وبلىستارىندا شۇعىل ەلەكتر قۋاتىن اجىراتۋ شارالارى ەنگٸزٸلدٸ. كيەۆتٸڭ بٸرنەشە اۋدانىندا دا جارىق ٶشكەن.
Reuters اگەنتتٸگٸنٸڭ حابارلاۋىنشا, رەسەي پرەزيدەنتٸ ۆلاديمير پۋتين بۇعان دەيٸن قىرىم كٶپٸرٸنە جاسالعان ۋكراينالىق شابۋىلدارعا جاۋاپ قايتارۋعا ۋەدە بەرگەن. ونىڭ ايتۋىنشا, مەسكەۋدٸڭ جاۋابى ۋكراينا تاراپىنان جاسالعان ەرەكەتتەردەن ەلدەقايدا اۋىر بولۋى مٷمكٸن.
وسى جاعدايدان كەيٸن پولشا ەسكەري ۇشاقتارىن ەۋەگە كٶتەرٸپ, ۋكراينامەن شەكارالاس وڭتٷستٸك-شىعىس اۋماعىندا بەلگٸسٸز نىسانداردىڭ قۇلاۋىنا قاتىستى تەكسەرۋ باستاعان.
ايتا كەتەيٸك, ۋكراينا مەن رەسەي اراسىنداعى سوعىستى توقتاتۋعا باعىتتالعان ديپلوماتييالىق كەلٸسسٶزدەر ەزٸرگە ايتارلىقتاي نەتيجە بەرگەن جوق. ٶتكەن اپتادا ابۋ-دابيدە اقش-تىڭ اراعايىندىعىمەن ٶتكەن كەزدەسۋدە اۋماقتىق مەسەلەلەر بويىنشا ٸلگەرٸلەۋشٸلٸك بولماعان.