Senatordyń aıtýynsha, bıylǵy qurǵaqshylyq aýyl sharýashylyǵynyń aýa-raıyna táýeldiligi men osaldyǵyn kórsetip otyr. Ol tehnologıalyq damyǵan agrarlyq elde osyndaı tabıǵı kataklızmder oryn alaǵan jaǵdaıda Qazaqstandaǵy sekildi túsim tómendemeıtinin atap ótti.
– Elimizdiń gıdrometeoqyzmetin jańǵyrtý qajet. Aýa-raıynyń naqty boljamynyń bolmaýyna baılanysty fermerlerimiz egýdiń ońtaıly merzimin anyqtaı almaıdy. Depýtattar otandyq sorttardyń seleksıasyn damytý máselesin birneshe ret kóterdi. Qurǵaqshylyqqa tózimdi sorttardy tek bıotehnologıalyq zamanaýı ádister negizinde ǵana jasaýǵa bolady. Alaıda mundaı zertteýlerdi qajetti kólemde qarjylandyrý máseleleri áli sheshilgen joq, – dedi senator.
Aqylbek Kúrishbaev aýyl sharýashylyǵy salasyndaǵy problemalardy sheshýdiń naqty tetikterin atap ótti. Ol óristerdiń egjeı-tegjeıli agrohımıalyq kartogramsy qajet dep sanaıdy. Sonymen qatar, senator aýyl sharýashylyǵyndaǵy saqtandyrý júıesin jetildirýdi jáne sýarmaly jerlerdiń kólemin ulǵaıtýdy usyndy.
Senator, sondaı-aq, fermerlerdi oqytý óte mańyzdy ekenin atap ótti. Osyǵan oraı Ol agrarlyq bilimdi taratý ortalyqtaryn uıymdastyrý qajettigin atap ótti. Qazaqstanda mundaı ortalyqtardyń sany bar bolǵany 25, al AQSH pen Kanadada 2-3 myńnan asady.
