سەناتوردىڭ ايتۋىنشا، بيىلعى قۇرعاقشىلىق اۋىل شارۋاشىلىعىنىڭ اۋا-رايىنا تاۋەلدىلىگى مەن وسالدىعىن كورسەتىپ وتىر. ول تەحنولوگيالىق دامىعان اگرارلىق ەلدە وسىنداي تابيعي كاتاكليزمدەر ورىن الاعان جاعدايدا قازاقستانداعى سەكىلدى ءتۇسىم تومەندەمەيتىنىن اتاپ ءوتتى.
– ەلىمىزدىڭ گيدرومەتەوقىزمەتىن جاڭعىرتۋ قاجەت. اۋا-رايىنىڭ ناقتى بولجامىنىڭ بولماۋىنا بايلانىستى فەرمەرلەرىمىز ەگۋدىڭ وڭتايلى مەرزىمىن انىقتاي المايدى. دەپۋتاتتار وتاندىق سورتتاردىڭ سەلەكسياسىن دامىتۋ ماسەلەسىن بىرنەشە رەت كوتەردى. قۇرعاقشىلىققا ءتوزىمدى سورتتاردى تەك بيوتەحنولوگيالىق زاماناۋي ادىستەر نەگىزىندە عانا جاساۋعا بولادى. الايدا مۇنداي زەرتتەۋلەردى قاجەتتى كولەمدە قارجىلاندىرۋ ماسەلەلەرى ءالى شەشىلگەن جوق، – دەدى سەناتور.
اقىلبەك كۇرىشبايەۆ اۋىل شارۋاشىلىعى سالاسىنداعى پروبلەمالاردى شەشۋدىڭ ناقتى تەتىكتەرىن اتاپ ءوتتى. ول ورىستەردىڭ ەگجەي-تەگجەيلى اگروحيميالىق كارتوگرامماسى قاجەت دەپ سانايدى. سونىمەن قاتار، سەناتور اۋىل شارۋاشىلىعىنداعى ساقتاندىرۋ جۇيەسىن جەتىلدىرۋدى جانە سۋارمالى جەرلەردىڭ كولەمىن ۇلعايتۋدى ۇسىندى.
سەناتور، سونداي-اق، فەرمەرلەردى وقىتۋ وتە ماڭىزدى ەكەنىن اتاپ ءوتتى. وسىعان وراي ول اگرارلىق ءبىلىمدى تاراتۋ ورتالىقتارىن ۇيىمداستىرۋ قاجەتتىگىن اتاپ ءوتتى. قازاقستاندا مۇنداي ورتالىقتاردىڭ سانى بار بولعانى 25، ال اقش پەن كانادادا 2-3 مىڭنان اسادى.
