Dalaqainar aýylynda atqarylǵan is az emes
Qairat Áskerbekuly eń áýeli 50 oryndyq «Káýsar» balalar baqshasynyń tynys-tirshiligine tanysyp, balalardyń mezgildik tamaqpen qamtylýy, olarǵa jasalatyn jailylyq, kórsetiletin qyzmet sapasyn kózben kórip, keibir kemshilikterge syn-eskertpeler aitty. Kelesi baǵyt aýyldyq dárigerlik ambýlatoriia boldy. Munda úsh ýchaskelik dáriger jáne bir aǵa dáriger kúnine 15 adamǵa meditsinalyq qyzmet kórsetedi. Aýdan basshysy meditsina mamandaryna adam densaýlyǵy eń basty bailyq ekendigin eske salyp, óz isterine bilikti bolýlaryn talap etti.
Dalaqainarda Bolat Taýtanov esimdi azamat jeke kásippen ainalysyp, óz isin dóńgeletip otyr. 2012 jyly «Biznestiń jol kartasy - 2020» memlekettik baǵdarlamasy arqyly 1 mln teńge nesie alyp, anasy ekeýi naýbaihana ashqan. Kúnine 50 nan pisirip, bireýin 100 teńgeden ótkizýde. Jeke kásibin ulǵaitý maqsatynda ótken jyly jańa nysannyń qurylysyn bastap ketken. Qurylys aiaqtalǵannan keiin kórshiles aýyldyq okrýgterge de nan ótkizip, aýyldyqtardy jumyspen qamtymaqshy. Kásipker isiniń alǵa jylji berýine árkez qoldaý bildiretinin jetkizgen aýdan ákimi jumystaryna sáttilik tiledi.
Budan keiin T.Áshimbaev atyndaǵy orta mektepte aýyl turǵyndarymen beiresmi formatta kezdesý ótti. Kezdesýge aýdan ákimdigine qarasty birqatar bólim basshylary da kelip, óz salalary boiynsha aýylda oryndalmai turǵan mejelerdi atap ótip, qazirgi tańda elimizde oryn alyp jatqan jańashyldyqtardy túsindirdi. Máselen, aýdandyq «Jastar resýrstyq ortalyǵynyń» direktory Ainur Rahymbaeva ótken jyly júzege asqan «Jas projekt» jobasyna aýyl jastarynyń belsendiligi tómen bolyp, tek bir jas qana qatysyp, qazirgi tańda óz kásibimen ainalysyp jatqandyǵyn aitty. Al «Serpin-2050» memlekettik baǵdarlamasyna atalmysh aýyldan úsh jas teriskei óńirge oqýǵa attanǵan. Qairat Áskerbekuly bul kórsetkishti de tómen sanap, joǵarǵy oqý ornynda tegin bilim alý múmkindigin ár aýyl balasy paidalanyp qalý kerektigin atap ótti.
Jalpy aýdanda jastardyń sportpen shuǵyldanýy úshin 16 aýyldyq okrýgte sport alańdary salynǵaly jatyr. Josparda Dalaqainar aýyly da bar. Biraq alań salýǵa jer daiyndaý, kásipkerlerdi tartý syndy jumystar aýyldyq ákimshilik tarapynan áli kúnge júrgizilmegen. Bul máseleni de synǵa alǵan aýdan basshysy aýyl ákimi Jaisanbek Bekbosynovqa máseleni tezirek sheshýin talap etti.
