«COVID-19 virýsyn juqtyryp, jasandy tynys alý apparatyna qosylǵan naýqastar arasynda ólim kórsetkishin tómendetýge kómektesken alǵashqy preparat. Jaqsy jańalyq. Ulybritaniia úkimetin, Oksford ýniversitetin, ǵylymi jetistikke úles qosqan dárigerler men naýqastardy quttyqtaimyn» dep málimdedi DDSU basshysy Tedros Adanom Gebreisýs.
Zertteý Oksford ýniversitetinde júrgizildi. Deksametazonnyń klinikalyq synaǵyna 6 myń adam qatysty. Zertteý nátijesine qaraǵanda, jasandy tynys alý apparatyna qosylǵan naýqastardy deksametazonmen emdese, ólim qaýpi 35 paiyz azaiady.
Britan ǵalymdarynyń pikirinshe, deksametazondy pandemiia bastalǵanda qoldanǵanda, Ulybritaniiada 5 myń adamdy ólimnen qutqarýǵa qalýǵa bolar edi.
Deksametazon dárisi qymbat emes. Angliiada dáriniń bir qoraby shamamen 5 fýnt sterling turady. Deksametazon 1960-jyldardan beri isikti basý úshin paidalanylyp keledi.
Álemde 8 millionnan astam adamnyń koronavirýs juqtyrǵany anyqtaldy. 440 myńnan astam adam qaitys boldy.
