«COVID-19 ۆيرۋسىن جۇقتىرىپ، جاساندى تىنىس الۋ اپپاراتىنا قوسىلعان ناۋقاستار اراسىندا ءولىم كورسەتكىشىن تومەندەتۋگە كومەكتەسكەن العاشقى پرەپارات. جاقسى جاڭالىق. ۇلىبريتانيا ۇكىمەتىن، وكسفورد ۋنيۆەرسيتەتىن، عىلىمي جەتىستىككە ۇلەس قوسقان دارىگەرلەر مەن ناۋقاستاردى قۇتتىقتايمىن» دەپ مالىمدەدى ددسۇ باسشىسى تەدروس ادانوم گەبرەيسۋس.
زەرتتەۋ وكسفورد ۋنيۆەرسيتەتىندە جۇرگىزىلدى. دەكسامەتازوننىڭ كلينيكالىق سىناعىنا 6 مىڭ ادام قاتىستى. زەرتتەۋ ناتيجەسىنە قاراعاندا، جاساندى تىنىس الۋ اپپاراتىنا قوسىلعان ناۋقاستاردى دەكسامەتازونمەن ەمدەسە، ءولىم ءقاۋپى 35 پايىز ازايادى.
بريتان عالىمدارىنىڭ پىكىرىنشە، دەكسامەتازوندى پاندەميا باستالعاندا قولدانعاندا، ۇلىبريتانيادا 5 مىڭ ادامدى ولىمنەن قۇتقارۋعا قالۋعا بولار ەدى.
دەكسامەتازون ءدارىسى قىمبات ەمەس. انگليادا ءدارىنىڭ ءبىر قورابى شامامەن 5 فۋنت ستەرلينگ تۇرادى. دەكسامەتازون 1960-جىلداردان بەرى ىسىكتى باسۋ ءۇشىن پايدالانىلىپ كەلەدى.
الەمدە 8 ميلليوننان استام ادامنىڭ كوروناۆيرۋس جۇقتىرعانى انىقتالدى. 440 مىڭنان استام ادام قايتىس بولدى.
