Qostanai qalasynda Qazaqstan men Resei fýtbol komandalary arasynda ótken matchta shý shyqty, dep habarlaidy Dalanews.kz.
Media fýtbol ligasy aiasyndaǵy SD Family jáne 2Drots komandalary arasyndaǵy kezdesýde týyndaǵan janjaldyń beinejazbasy áleýmettik jelige tarap, kópshiliktiń nazaryn aýdardy.
Videodan Resei quramasynyń bapkeri Dmitrii Kýznetsovtiń qazaq tóreshisiniń sheshimine kóńili tolmai,balaǵattai jónelgenin ańǵarýǵa bolady.
«Bizge ne kórsetip tursyń? Betpe-bet kelip,kórsetip ber. Sen báribir eshkim emessiń Chýkcha!», - degen reseilik jattyqtyrýshy.
Mundai jaǵymsyz sózder jattyqtyrýshy kómekshileriniń namysyna tiip, narazylyǵyn týdyrǵan. Olardyń biri sýdiany qorlaýdy toqtatýdy talap etse, ekinshisi ultqa tiispeýdi suraidy.
Video áleýmettik jeli qoldanýshylarynyń qyzý talqysyna túsip jatyr. Jankúierler ultaralyq arazdyqty qozdyrǵany úshin reseilik bapkerlerdi jaýapqa tartýǵa shaqyrdy.
