قوستاناي قالاسىندا قازاقستان مەن رەسەي فۋتبول كوماندالارى اراسىندا وتكەن ماچتا شۋ شىقتى، دەپ حابارلايدى Dalanews.kz.
مەديا فۋتبول ليگاسى اياسىنداعى SD Family جانە 2Drots كوماندالارى اراسىنداعى كەزدەسۋدە تۋىنداعان جانجالدىڭ بەينەجازباسى الەۋمەتتىك جەلىگە تاراپ، كوپشىلىكتىڭ نازارىن اۋداردى.
ۆيدەودان رەسەي قۇراماسىنىڭ باپكەرى دميتريي كۋزنەسوۆتىڭ قازاق تورەشىسىنىڭ شەشىمىنە كوڭىلى تولماي،بالاعاتتاي جونەلگەنىن اڭعارۋعا بولادى.
«بىزگە نە كورسەتىپ تۇرسىڭ؟ بەتپە-بەت كەلىپ،كورسەتىپ بەر. سەن ءبارىبىر ەشكىم ەمەسسىڭ چۋكچا!»، - دەگەن رەسەيلىك جاتتىقتىرۋشى.
مۇنداي جاعىمسىز سوزدەر جاتتىقتىرۋشى كومەكشىلەرىنىڭ نامىسىنا ءتيىپ، نارازىلىعىن تۋدىرعان. ولاردىڭ ءبىرى سۋديانى قورلاۋدى توقتاتۋدى تالاپ ەتسە، ەكىنشىسى ۇلتقا تيىسپەۋدى سۇرايدى.
ۆيدەو الەۋمەتتىك جەلى قولدانۋشىلارىنىڭ قىزۋ تالقىسىنا ءتۇسىپ جاتىر. جانكۇيەرلەر ۇلتارالىق ارازدىقتى قوزدىرعانى ءۇشىن رەسەيلىك باپكەرلەردى جاۋاپقا تارتۋعا شاقىردى.
