2 shildeden bastap Allur avtokólik kompanıalar tobyna kiretin Chevrolet brendi "Ózara paıda" atty arnaıy aksıany iske qosty. Onyń aıasynda úsh tanymal model - Cobalt, Onix jáne Tracker arzandatylǵan baǵamen usynylady, dep habarlaıdy Dalanews.kz.
Endi Chevrolet avtokólikterin mynadaı jańa baǵamen satyp alýǵa bolady:
● Chevrolet Cobalt – 6 490 000 ₸ bastap
● Chevrolet Onix – 7 490 000 ₸ bastap
● Chevrolet Tracker – 9 990 000 ₸ bastap
Bul aksıa qazaqstandyqtar úshin sapaly ári senimdi avtokólikterdi qoljetimdi etýge baǵyttalǵan.
“Bul modelder naryqtyń naǵyz súıiktileri. Biz klıentterimizdiń suranysyn estip otyrmyz, sondyqtan múmkindiginshe kóp adam jańa kólik satyp ala alýy úshin arnaıy usynys ázirledik. Arnaıy bizdiń naryqqa jáne halqymyzǵa beıimdelgen naýqan, – dedi Chevrolet Kazakhstan dıstrıbýsıa dırektory Mark Nojnenko.
Modelderdiń tanymaldylyǵy statısıkamen de rastalady: Chevrolet Cobalt qatarynan tórt jyl (2021–2024) Qazaqstanda eń kóp satylǵan kólik bolyp otyr. 2025 jyldyń mamyr aıynyń qorytyndysy boıynsha, Chevrolet brendi eldegi avtokólik óndirýshiler arasynda satylym kólemi boıynsha ekinshi oryn aldy – bir aıda 2 344 kólik satylsa, sonyń 1 869-y Cobalt úlesine tıesili. Jyl basynan beri el aýmaǵynda 11 078 Chevrolet kóligi satylsa, sonyń ishinde 9 188-i Cobalt.
Chevrolet brendi úshin mańyzdy kezeńderdiń biri – jergilikti óndiristiń damýy. 2024 jyly Qostanaıdaǵy Allur zaýytynda Onix modelin shaǵyn toraptyq ádispen (CKD) qurastyrý bastaldy. Bul óndiris prosesine 3 500-den astam maman tartylyp otyr. General Motors standarttaryna saı keletin tehnologıalar, sonyń ishinde robottandyrylǵan lazerlik dánekerleý qoldanylýda. Mundaı tásil óndiristi jergiliktendirý deńgeıin arttyryp qana qoımaı, aımaqta jańa jumys oryndaryn ashýǵa múmkindik beredi.
2025 jyldyń naýryz aıynda Chevrolet Qazaqstan naryǵynda jumys istep kele jatqanyna 5 jyl tolǵanyn atap ótti. Osy ýaqyt ishinde 170 myńnan astam avtokólik óndirilip, jalpy satylym kólemi 150 myń birlikten asty.
