Forýmnyń basty maqsaty – bilim berý jáne ǵylym salasyn damytýǵa baǵyttalǵan yntymaqtastyq týraly kelisimderge qol qoiý. Joǵary oqý oryndar stýdentterdi daiyndaý, ýniversitetterdiń zerthanalyq jáne tehnikalyq bazasyn paidalaný, ortaq jobalardy júzege asyrý úshin birge jumys isteitin bolady.
Resei men Qazaqstannyń joǵarǵy oqý oryndarynyń rektorlarynyń forýmy eki bólimdi qamtydy: sessiialardaǵy otyrystar jáne plenarlyq májilister. Sessiialarda joǵary oqý oryndarynyń innovatsiialyq qyzmetin damytý, adam kapitalynyń básekege qabilettiligin arttyrý, sondai-aq Resei men Qazaqstannyń joǵary oqý oryndarynyń strategiialyq áriptestigi talqylandy.
Resei men Qazaqstan joǵary oqý oryndarynyń rektorlary forýmy barysynda Ońtústik Oral Gýmanitarlyq-pedagogikalyq memlekettik ýniversiteti Qazaqstannyń alty pedagogikalyq joǵary oqý oryndarymen yntymaqtastyq týraly memorandýmdaryna qol qoidy. Olardyń ishindegi eń irisi - Abai atyndaǵy Qazaq ulttyq pedagogikalyq ýniversiteti.
Qazaq ulttyq pedagogikalyq ýniversitetiniń rektory Takir Balyqbaev Qazaqstan men Reseidiń Aimaqaralyq yntymaqtastyq forýmy aiasynda Cheliabinsk qalasynda ótken is-shara, barlyq qatysýshylar úshin tabysty jáne ónimdi boldy dep atap ótti. BAQ ókilderimen suhbatynda, ol Ońtústik Oral Gýmanitarlyq-pedagogikalyq memlekettik ýniversitetimen qandai baǵyttarda jumys isteitinin aitty.
Rektorlar forýmy sońynda ǵylym jáne bilim berý salasyndaǵy yntymaqtastyq, stýdentterdi oqytý jáne bilim berý, ýniversitettiń zerthanalyq jáne tehnikalyq bazasymen almasý, birlesken jobalardy iske asyrý boiynsha ortaq qarar (rezoliýtsiia) qabyldandy. Forým aiasynda Resei men Qazaqstan JOO arasynda yntymaqtastyq týraly 40 kelisim-shart jasaldy.
Abai atyndaǵy QazUPÝ-dyń Qoǵammen bailanys jónindegi bólimi
https://dalanews.kz/30331
