Osy aptada AQSH sottaryna ChatGPT jasaýshysyna qarsy birneshe talap-aryz tústi. Ózin-ózi óltirgen adamdardyń týystary ony «sýısıd boıynsha jattyqtyrýshy» rólin atqardy dep aıyptap otyr, dep habarlaıdy Dalanews.kz The Guardian-ǵa silteme jasap.
Jeti talapker óz-ózine qol jumsaýǵa ıtermeleý, abaısyzda adam óltirý, nemquraılylyq jáne ónim sapasyna jaýapkershilik boıynsha aıyp taqty.
Jeti talapkerdiń árqaısysy bastapqyda ChatGPT-ni «oqýǵa, zertteýge, mátin jazýǵa, aspazdyqqa, jumysqa nemese rýhanı baǵyt-baǵdar alýǵa jalpy kómek retinde» paıdalanǵan.
OpenAI kompanıasy bul talap-aryzdarǵa jaýap berip, muny «óte júrek tebirenterlik jaǵdaı» dep atady.
«Biz ChatGPT-ti psıhıkalyq nemese emosıonaldyq kúızelis belgilerin tanýǵa jáne olarǵa durys jaýap berýge, áńgimedegi shıelenisti azaıtýǵa jáne adamdardy naqty kómekke júginýge baǵyttaýǵa úıretemiz», – dedi ChatGPT jasaýshysy OpenAI kompanıasynyń ókili.
