Atap aitsaq, Qadyrbek Qýatbekov pen Mýhiddin Siddikov óz qarajattary esebinen áleýmettik az qamtylǵan 10 otbasyna kómir túsirip, qysqy otynmen kómek kórsetti.
Biyl qarasha aiynda M.Siddikov Qarabulaq aýylyndaǵy 5 otbasyna, Q.Qýatbekov Qarasý aýylyndaǵy 5 otbasyna kómir jetkizip berdi. Depýtattar ortalyq jylýmen qamtamasyz etilmegen jeke úi turǵyndary, onyń ishinde jalǵyzbasty zeinetkerler men áleýmettik osal toptaǵy azamttarǵa jalpy 30 tonnaǵa jýyq kómir jetkizip, demeýshilik tanytty. Aýyl turǵyndary olarǵa alǵystaryn aityp, rizashylyqtaryn bildirdi.
Oblys ákimi, partiiayń Túrkistan oblystyq filialynyń tóraǵasy Ómirzaq Shókeev qoǵamdyq qabyldaýlady jiiletip, eldiń ótinish-tilegin tyńdaýdy tapsyrǵan bolatyn. Óńirde osy baǵytta jumys atqarylyp jatyr. Sonyń ishinde Sairam aýdanynda jyl basynan beri barlyq deńgeidegi máslihat depýtattary 182 jeke qabyldaý ótkizip, turǵyndardyń 961 ótinishin qaraǵan. Qoǵamdyq qabyldaýǵa kelgen 548 azamattyń máselesi ońtaily sheshilse, 415 azamatqa zań aiasynda keńester berilgen.
