«Nur Otan» پارتياسىنىڭ «30 يگى ءىس» اكسياسى مەن «حالىققا كومەك» پارتيالىق جوباسى اياسىندا سايرام اۋداندىق ءماسليحاتىنىڭ دەپۋتاتتارى، «Nur Otan» فراكسياسىنىڭ مۇشەلەرى قايىرىمدىلىق جاسادى، – دەپ حابارلايدى Dalanews.kz.

اتاپ ايتساق، قادىربەك قۋاتبەكوۆ پەن مۋحيددين سيدديكوۆ ءوز قاراجاتتارى ەسەبىنەن الەۋمەتتىك از قامتىلعان 10 وتباسىنا كومىر ءتۇسىرىپ، قىسقى وتىنمەن كومەك كورسەتتى.

بيىل قاراشا ايىندا  م.سيدديكوۆ قارابۇلاق اۋىلىنداعى 5 وتباسىنا، ق.قۋاتبەكوۆ قاراسۋ اۋىلىنداعى 5 وتباسىنا كومىر جەتكىزىپ بەردى. دەپۋتاتتار ورتالىق جىلۋمەن قامتاماسىز ەتىلمەگەن جەكە ءۇي تۇرعىندارى، ونىڭ ىشىندە جالعىزباستى زەينەتكەرلەر مەن الەۋمەتتىك وسال توپتاعى ازامتتارعا جالپى 30 تونناعا جۋىق كومىر جەتكىزىپ، دەمەۋشىلىك تانىتتى. اۋىل تۇرعىندارى ولارعا العىستارىن ايتىپ، ريزاشىلىقتارىن ءبىلدىردى.

بۇل يگى ىستەردىڭ ءبىرقاتارى «Nur Otan»  پارتياسىنىڭ سايرام اۋداندىق فيليالىنىڭ قوعامدىق قابىلداۋ بولمەسىنە تۇسكەن وتىنىشتەر نەگىزىندە جۇزەگە اسىرىلدى. سايرام اۋداندىق ءماسليحات دەپۋتاتتارى مەن بەلسەندى پارتيا مۇشەلەرى كومەككە مۇقتاج تۇرعىندارعا كومەكتەسۋ ازاماتتىق بورىشىمىز دەپ سانايدى جانە قامقورلىق جاساۋدى داستۇرگە اينالدىرعان.

وبلىس اكىمى، پارتياىڭ تۇركىستان وبلىستىق فيليالىنىڭ ءتوراعاسى ءومىرزاق شوكەيەۆ قوعامدىق قابىلداۋلادى جيىلەتىپ، ەلدىڭ وتىنىش-تىلەگىن تىڭداۋدى تاپسىرعان بولاتىن. وڭىردە وسى باعىتتا جۇمىس اتقارىلىپ جاتىر. سونىڭ ىشىندە سايرام اۋدانىندا جىل باسىنان بەرى بارلىق دەڭگەيدەگى ءماسليحات دەپۋتاتتارى 182 جەكە قابىلداۋ وتكىزىپ، تۇرعىنداردىڭ 961 ءوتىنىشىن قاراعان.  قوعامدىق قابىلداۋعا كەلگەن  548 ازاماتتىڭ ماسەلەسى وڭتايلى شەشىلسە، 415 ازاماتقا زاڭ اياسىندا كەڭەستەر بەرىلگەن.