Sonymen, Nur Otan partiiasy atynan sailaýǵa túsken Qasym-Jomart Toqaev 70,76% daýys jinap, jeńiske jetti.
Ortalyq sailaý komissiiasynyń málimdeýinshe, 9 maýsymda ótken prezident sailaýynda Ámirjan Qosanov - 16,2%, Daniia Espaeva - 5,2%, Tóleýtai Raqymbekov - 3,2%, Amangeldi Taspihov - 2,7%, Jambyl Ahmetbekov - 1,82%, Sádibek Túgel - 0,92% daýys jinady.
Aita ketsek, Ortalyq sailaý komissiiasy sailaýdyń sońǵy qorytyndysyn 17 maýsymǵa deiin jariialaidy.
Ortalyq sailaý komissiiasy sailaýshylardyń daýys berýge kelýiniń aldyn ala qorytyndysyn jariialady. Oblystardyń, respýblikalyq mańyzy bar qalalardyń, astananyń sailaý komissiialary usynǵan málimetine sáikes, sailaýshylardyń 77,4 protsenti daýys bergen.
Daýys berýge kelgen sailaýshylar sany jaǵynan óńirler arasynda Almaty oblysy – 89%, Aqtóbe oblysy – 84,9%, Shyǵys Qazaqstan oblysy – 84,9% kósh bastady.
Aita ketsek, 2015 jyly ótken prezident sailaýynda óz tańdaýyn sailaýshylardyń 95,22%-i jasaǵan.
Origin: sputniknews.kz
