Qazirgi tańda Caspian University Ádilet joǵarǵy zań mektebi bilikti zańgerler daiyndaýda elimizdegi oqý oryndar arasynda kósh bastap keledi. Bilim ordasynyń osyndai biik belesten kórinýine munda zań salasynyń maitalmandarynyń jastarǵa tálim berip, zaman talabyna sai bilim berý júiesiniń qalyptasqanyn ańǵarýǵa bolady. Elimiz boiynsha zań salasynyń bilgiri Maidan Súleimenovtyń Caspian University ustazdyq etýinen kóptegen jaitty ańǵarýǵa bolady. Jiyn barysynda sóz alǵan Caspian University rektory Joldasbek Núsenov:
– Biyl Qazaqstan Respýblikasy Konstitýtsiiasynyń qabyldanǵanyna 20 jyl tolyp otyr. Osy ýaqyt aralyǵynda Ata zańymyz Qazaqstan táýelsizdiginiń nyǵaiýyna, elimizde demokratiialyq qundylyqtarynyń qalyptasýyna jáne el azamattarynyń quqynyń ústemdik qurýyna negiz bolǵanyn bárimiz bilemiz. Sondyqtan bul barsha qazaq eli úshin aitýly mereke dep esepteimin. Osy mańyzdy merekeniń qarsańynda bizdiń oqý ornymyzǵa QR Konstitýtsiialyq Keńesiniń múshesi Iliias Baqtybaev arnaiy kelip, Elbasy Nursultan Nazarbaevtyń tikelei buiryǵymen daiyndalǵan estelik medalin bizdiń ustazdarymyzǵa tabystaýǵa kelip otyr. Aldaǵy ýaqytta Ata zańymyzdy ardaqtap, quqyqtyq memleketimizdiń barynsha nyǵaitýǵa bárimiz óz úlesimizdi qosatynymyzǵa senimdimin, – dedi oqý oryn basshysy. Budan keiin sóz alǵan Iliias Baqtybaev óz oiyn bylaisha jalǵady:
– El Konstitýtsiiasy memleketimizdiń alǵa qarai qaryshtap damýyna negiz bolǵan basty qujat. Ata zańda memlekettik qurylymdardyń, jeke azamattardyń jáne ult pen ulystardyń, áleýmettik toptardyń maqsattary, mindetteri, quqyqtary kórsetilgen. Osy qujatty basshylyqqa alǵan qazaq eli táýelsizdik jyldary áleýmettik-ekonomikalyq turǵydan damyǵan memleketterdiń qataryna qosyldy. Caspian University – Qazaqstan Konstitýtsiiasyn daiyndaýǵa belsene qatysqan bilikti zańgerler jumys isteidi. Maidan Súleimenov bastaǵan ustazdar qaýymy qazirgi tańda zań salasyn jetik biletin mamandar tárbielep, quqyqtyq memleketimizdi nyǵaitýǵa óz úlesin qosyp keledi. Sondyqtan QR Konstitýtsiialyq Keńesi osy aptal azamattardy el Konstitýtsiiasynyń 20 jyldyq mereitoiy sheńberinde arnaiy quttyqtap, merekelik medaldi tabystaýdy jón sanap otyr, – dep Iliias Jaqypbekuly aq tilegin arnady.
Osylaisha mereke qarsańynda Caspian University-diń tórt birdei bilikti zańgeri keýdelerine merekelik medaldi taǵyp, óz eńbekterin Konstitýtsiialyq Keńes músheleriniń airyqsha baǵalaǵanyna riza boldy. Osy rette merekelik tósbelgige Caspian University janynan qurylǵan Jeke zań ǴZI direktory, QR UǴA akademigi, zań ǵylymdarynyń doktory, professor Maidan Súleimenov, Caspian University rektory, PhD doktor Joldasbek Núsenov, Caspian University professorlary A.G. Didenko jáne F.S. Qaraǵusovtar ie boldy.
Óz kezeginde sóz alǵan M.Súleimenov:
– Osydan 20 jyl buryn, 30 tamyzda Qazaqstan halqy tarihi sheshim qabyldap, elimizdiń quqyqtyq ómirindegi jasampaz jańa dáýirine qadam basqan edi. Sodan beri qarai táýelsizdigimizdiń tiregine ainalǵan Konstitýtsiia – memleket pen qoǵamda oryn alyp otyrǵan barlyq saiasi-ekonomikalyq, áleýmettik reformalardyń ilgeri basýyna, damýdyń qainar bastaýyna ainaldy. Ótken 20 jyldan beri memleket pen qoǵamnyń damýyndaǵy ózgerister – demokratiialyq, zaiyrly, quqyqtyq jáne áleýmettik memleket retinde ornyǵý talpynystarynyń bári – Konstitýtsiia qaǵidalary negizinde júzege asyrylyp keledi. Qazaqstannyń Ata zańy álemdegi eń jas Konstitýtsiialardyń biri. Osyndai qysqa merzim aralyǵynda Qazaqstannyń Ata zańy ýaqyttyń synynan súrinbei ótip, óziniń zaman talabyna laiyqtyǵyn jan-jaqty dáleldedi. Al kóptegen zertteýshilerdiń pikirinshe, Qazaqstannyń Konstitýtsiiasy álemdegi jalpyadamzattyq qundylyqtardy dáripteitin eń úzdik 50 Konstitýtsiianyń biri bolǵan. Bunyń ózi Konstitýtsiiamyzdyń úlken áleýetin bildirse kerek, – dedi maitalman ǵalym.
Táýelsizdiktiń alǵashqy jyldary damýdyń ártúrli satylarynda turǵan, san alýan áleýmettik-mádeni, ulttyq jáne basqa da erekshelikteri, ár túrli quqyqtyq júiesi bar elderdiń Konstitýtsiiasy basty máseleni – turaqtylyqty nyǵaitýdaǵy, halyqtyń ál-aýqatyn jaqsartýdaǵy jáne demokratiiany damytýdaǵy qol jetken tabystaryn uǵyný mańyzdy bolǵanyn bilemiz. Osylaisha bilikti zańgerler el Konstitýtsiiasyn ázirleýde Eýropa, Aziia, Soltústik jáne Latyn Amerikasy elderiniń ozyq tájiribelerin saralap shyqqanyn bilemiz. Búginde 20 jasqa tolǵan Konstitýtsiia táýelsiz memleket retinde damýymyzdy qamtamasyz etip, eldiń betke alǵan baǵdarynyń tutastai bóligin qamtyp otyr. Konstitýtsiia táýelsizdigimizdiń kemeldenýine sep bolyp qana qoiǵan joq, sonymen qatar demokratiialyq, quqyqtyq memleketimizdiń odan ári beki túsýine negiz bolǵanyn bilemiz.
Nurlan JUMAHAN
