Caryaǵash aýdanynda óner festivali ótti
Mádeniet salasynyń halyqqa zamanaýi mádeni qyzmet kórsetý sharalaryn jaqsartý, jumys sapasyn arttyrý, sonymen qatar, halyq shyǵarmashylyǵyn damytyp, mádeniet oshaqtary janynan qurylǵan úiirmelerdiń is-tájirbielerin nasihattaý maqsatynda ótkizilgen festivalde M.Áýezov atyndaǵy OQMÝ-niń aǵa oqytýshysy Jumabai Láila Jumabekqyzy, «QAZAQSTAN» Ulttyq arnasynyń «Elden habar» jáne «On'tu'stik» telearnasynyń «El men jer» baǵdarlamalarynyń redaktory, QR Mádeniet Qairatkeri Atabek Muhtar Oryntaiuly, kompozitor, Qazaqstan kompozitorlar Odaǵynyń múshesi, halyqaralyq, respýblikalyq baiqaýlardyń laýreaty Sátmuhambetova Quralai Shaizadaqyzy, Oblystyq mádeniet jáne halyq shyǵarmashylyǵy ortalyǵynyń Halyq shyǵarmashylyǵy bóliminiń meńgerýshisi Nurmaǵambetov Muratbai Qýantqanuly, Oblystyq mádeniet jáne halyq shyǵarmashylyǵy ortalyǵynyń redaktory, Halyqaralyq "Baspasóz syilyǵynyń" iegeri Aitpenbetova Madina Jumabaiqyzy qazylyq etti.
Is-sharada aýdannyń mádeni tynys-tirshiligi men jańalyqtary jóninde beinefilm kórsetilip, Saryaǵash qalasynyń tóbe bii Rahymberdi Ospanov quttyqtaý sózben ashyp berdi.
«Nurly jol – bolashaqqa bastar jol» oblystyq óner festivali aýdan ónerpazdarynyń kontserttik baǵdarlamasymen jalǵasty.
Sonymen qatar, aýdandaǵy mádeniet úileri men klýbtardyń atqarǵan jumystary jáne jetistikteri, úiirme jumystarynyń baǵyty, tarihi, kieli oryndardyń nasihattalýy jóninde stend-kórmeler ornalastyrylyp, is-qujattar tanystyryldy.
Festival barysynda Qazaqstannyń kieli jerleri tizimine engen Erdáýit ata jáne Shaimerden ata kesenelerinde quran baǵyshtalyp, ańyz-áńgimeleri jóninde málimetter berildi.
Festival mádeniet úileri men klýb meńgerýshileri jáne qazylar alqasynyń qatysýymen baspasóz konferentsiiasynda qorytyndylandy.
Aita ketsek, Saryaǵash aýdanynda 37 mádeniet úileri men klýbtar jumys jasaidy. Atalǵan mádeni oshaqtarda 145 úiirme, 1610 qatysýshy bar. Jýyrda atalǵan mekemelerge 200 dombyra jáne 7 dybys kúsheitkish apparatýrasy berilip, ónerpazdardy daiarlaýǵa jaǵdai jasalǵan.
OQO Mádeniet jáne tilderdi damytý basqarmasy
https://dalanews.kz/35293
