سارىاعاش اۋداندىق مادەنيەت ۇيىندە ەلباسىمىزدىڭ «بولاشاققا باعدار: رۋحاني جاڭعىرۋ» باعدارلامالىق ماقالاسى اياسىندا «نۇرلى جول – بولاشاققا باستار جول» اتتى وبلىستىق ونەر فەستيۆالى  ءوتتى.



مادەنيەت سالاسىنىڭ حالىققا زاماناۋي مادەني قىزمەت كورسەتۋ شارالارىن جاقسارتۋ،  جۇمىس ساپاسىن ارتتىرۋ، سونىمەن قاتار، حالىق شىعارماشىلىعىن دامىتىپ،  مادەنيەت وشاقتارى جانىنان قۇرىلعان ۇيىرمەلەردىڭ ىس-تاجىربيەلەرىن ناسيحاتتاۋ ماقساتىندا وتكىزىلگەن فەستيۆالدە م.اۋەزوۆ اتىنداعى ءوقمۋ-نىڭ اعا وقىتۋشىسى جۇماباي ءلايلا  جۇمابەك قىزى،  «QAZAQSTAN» ۇلتتىق ارناسىنىڭ «ەلدەن حابار» جانە «On'tu'stik» تەلەارناسىنىڭ «ەل مەن جەر» باعدارلامالارىنىڭ  رەداكتورى، ق ر مادەنيەت قايراتكەرى  اتابەك مۇحتار ورىنتاي ۇلى، كومپوزيتور، قازاقستان كومپوزيتورلار وداعىنىڭ مۇشەسى، حالىقارالىق، رەسپۋبليكالىق بايقاۋلاردىڭ لاۋرەاتى ساتمۇحامبەتوۆا قۇرالاي شايزادا قىزى، وبلىستىق مادەنيەت جانە حالىق  شىعارماشىلىعى ورتالىعىنىڭ حالىق شىعارماشىلىعى ءبولىمىنىڭ مەڭگەرۋشىسى نۇرماعامبەتوۆ مۇراتباي قۋانتقان ۇلى، وبلىستىق مادەنيەت جانە حالىق  شىعارماشىلىعى ورتالىعىنىڭ رەداكتورى، حالىقارالىق "باسپا ءسوز سىيلىعىنىڭ" يەگەرى ايتپەنبەتوۆا مادينا جۇماباي قىزى  قازىلىق ەتتى.

ءىس-شارادا اۋداننىڭ مادەني تىنىس-تىرشىلىگى مەن جاڭالىقتارى جونىندە  بەينەفيلم كورسەتىلىپ،  سارىاعاش قالاسىنىڭ توبە ءبيى  راحىمبەردى وسپانوۆ  قۇتتىقتاۋ سوزبەن اشىپ بەردى.

«نۇرلى جول – بولاشاققا باستار جول» وبلىستىق ونەر فەستيۆالى اۋدان ونەرپازدارىنىڭ كونسەرتتىك باعدارلاماسىمەن جالعاستى.

سونىمەن قاتار، اۋدانداعى مادەنيەت ۇيلەرى مەن كلۋبتاردىڭ اتقارعان جۇمىستارى جانە جەتىستىكتەرى، ۇيىرمە جۇمىستارىنىڭ باعىتى، تاريحي، كيەلى ورىنداردىڭ ناسيحاتتالۋى جونىندە ستەند-كورمەلەر ورنالاستىرىلىپ، ءىس-قۇجاتتار تانىستىرىلدى.

فەستيۆال بارىسىندا قازاقستاننىڭ كيەلى جەرلەرى تىزىمىنە ەنگەن ەرداۋىت اتا جانە شايمەردەن اتا كەسەنەلەرىندە قۇران باعىشتالىپ، اڭىز-اڭگىمەلەرى جونىندە مالىمەتتەر بەرىلدى.

فەستيۆال مادەنيەت ۇيلەرى مەن كلۋب مەڭگەرۋشىلەرى جانە قازىلار القاسىنىڭ قاتىسۋىمەن باسپا ءسوز كونفەرەنسياسىندا قورىتىندىلاندى.

ايتا كەتسەك، سارىاعاش اۋدانىندا 37 مادەنيەت ۇيلەرى مەن كلۋبتار جۇمىس جاسايدى. اتالعان مادەني وشاقتاردا 145 ۇيىرمە، 1610 قاتىسۋشى بار. جۋىردا اتالعان مەكەمەلەرگە 200 دومبىرا جانە 7 دىبىس كۇشەيتكىش اپپاراتۋراسى بەرىلىپ، ونەرپازداردى دايارلاۋعا جاعداي جاسالعان.

وقو مادەنيەت جانە تىلدەردى دامىتۋ باسقارماسى

https://dalanews.kz/35293