2026 jylǵy 1 shildedegi jaǵdai boiynsha Biryńǵai jinaqtaýshy zeinetaqy qoryndaǵy (BJZQ) Ulttyq bank pen investitsiialyq portfeldi basqarýshylardyń basqarýyndaǵy zeinetaqy aktivteriniń kólemi 28,08 trln teńgege jetti, dep habarlaidy dalanews.kz.
Qor málimetinshe, Ulttyq banktiń senimgerlik basqarýyndaǵy aktivterdiń ishinde mindetti zeinetaqy jarnalary, mindetti kásiptik zeinetaqy jarnalary jáne erikti zeinetaqy jarnalary esebinen qalyptasqan qarajat kólemi shamamen 26,7 trln teńgeni qurady. Al jumys berýshiniń mindetti zeinetaqy jarnalary esebinen qalyptasqan aktivter kólemi 1,1 trln teńgege jetken.
Sonymen qatar, investitsiialyq portfeldi basqarýshylardyń (IPB) basqarýyndaǵy zeinetaqy aktivteri 121,8 mlrd teńgeni qurady.
BJZQ deregine sáikes, 2025 jylǵy shilde men 2026 jylǵy maýsym aralyǵynda eseptelgen investitsiialyq tabys kólemi shamamen 2,51 trln teńgeni quraǵan. Osy kezeńdegi investitsiialyq kiristilik 10,29% boldy.
