Spikerdiń aitýynsha, barlyq saladaǵy kásip túrine nesie 5 jylǵa deiin, al mal sharýashylyǵyna qatysty jobalar úshin 7 jylǵa deiin berilmek. Al, oblys boiynsha biyl barlyǵy 163 jasqa tómendetilgen paiyzben nesie beriletin bolady.
Óziniń jeke kásibin ashqysy keletin bolmasa, bar kásibin odan ári damytqysy keletin jastar bul shaǵyn nesie túrine ótinim berýine bolady.
– Eskerte ketetini kásibińizge, iaǵni jeke kásipker retinde tirkelgenińizge 5 jyl ýaqyttan asyp ketse, siz bul shaǵyn nesiege ótinim bere almaisyz, – deidi Áset Shopanov.
Qoldaý jeke kásiptiń barlyq túrine berilmek. Tek nesiege ótinim bergen kezde kepilge qoiatyn múliktiń bolýy shart.
Ótinim qabyldaý týraly habarlandyrý 10 kún buryn 2023 jyldyń sáýir mamyr ailarynda halyqty jumyspen qamtý máseleleri jónindegi basqarmanyń resmi saittaryna shyǵady.
- Shaǵyn nesie alýǵa ótinish
- Jeke basyn kýálandyratyn qujat
- Kredittik tarih týraly aqparatty kredittik biýroǵa berýge kelisim
- Biznes-jospar
- Qatysýshynyń/úmitkerdiń ýákiletti organynyń shaǵyn nesie alý, múlikti kepilge berý jónindegi mámileni maquldaý týraly sheshimi
- Kepil berýshilerdiń múlikti kepilge berý jónindegi kelisimi
- Shottyń bolýy týraly qyzmet kórsetetin bankten anyqtamalar
- Kredittik bereshektiń, onyń ishinde qarjy uiymdarynan merzimi ótken bereshektiń bolýy týraly anyqtamalar (kreditter bolǵan kezde)
- Qatysýshynyń/úmitkerdiń jalaqysyn jáne (nemese) ózge de tabystaryn rastaityn qujat (jinaqtaýshy zeinetaqy qorynan)
- Baǵalaý týraly esep
- Kepil berýshi jáne kepilmen qamtamasyz etý jónindegi qujattar
Al, ótinimdi berý boiynsha «Agrarlyq nesie korporatsiiasynyń» Mańǵystaý oblysy boiynsha filialyna júginip, biznes-jobalaryńdy ótkize alady. https://www.gov.kz/memleket/entities/mangystau-soc?lang=ru
