سپيكەردىڭ ايتۋىنشا، بارلىق سالاداعى كاسىپ تۇرىنە نەسيە 5 جىلعا دەيىن، ال مال شارۋاشىلىعىنا قاتىستى جوبالار ءۇشىن 7 جىلعا دەيىن بەرىلمەك. ال، وبلىس بويىنشا بيىل بارلىعى 163 جاسقا تومەندەتىلگەن پايىزبەن نەسيە بەرىلەتىن بولادى.
ءوزىنىڭ جەكە كاسىبىن اشقىسى كەلەتىن بولماسا، بار كاسىبىن ودان ءارى دامىتقىسى كەلەتىن جاستار بۇل شاعىن نەسيە تۇرىنە ءوتىنىم بەرۋىنە بولادى.
– ەسكەرتە كەتەتىنى كاسىبىڭىزگە، ياعني جەكە كاسىپكەر رەتىندە تىركەلگەنىڭىزگە 5 جىل ۋاقىتتان اسىپ كەتسە، ءسىز بۇل شاعىن نەسيەگە ءوتىنىم بەرە المايسىز، – دەيدى اسەت شوپانوۆ.
قولداۋ جەكە كاسىپتىڭ بارلىق تۇرىنە بەرىلمەك. تەك نەسيەگە ءوتىنىم بەرگەن كەزدە كەپىلگە قوياتىن مۇلىكتىڭ بولۋى شارت.
ءوتىنىم قابىلداۋ تۋرالى حابارلاندىرۋ 10 كۇن بۇرىن 2023 جىلدىڭ ءساۋىر مامىر ايلارىندا حالىقتى جۇمىسپەن قامتۋ ماسەلەلەرى جونىندەگى باسقارمانىڭ رەسمي سايتتارىنا شىعادى.
شاعىن نەسيە الۋ ءۇشىن قاجەت قۇجاتتار ءتىزىمى:
- شاعىن نەسيە الۋعا ءوتىنىش
- جەكە باسىن كۋالاندىراتىن قۇجات
- كرەديتتىك تاريح تۋرالى اقپاراتتى كرەديتتىك بيۋروعا بەرۋگە كەلىسىم
- بيزنەس-جوسپار
- قاتىسۋشىنىڭ/ۇمىتكەردىڭ ۋاكىلەتتى ورگانىنىڭ شاعىن نەسيە الۋ، مۇلىكتى كەپىلگە بەرۋ جونىندەگى مامىلەنى ماقۇلداۋ تۋرالى شەشىمى
- كەپىل بەرۋشىلەردىڭ مۇلىكتى كەپىلگە بەرۋ جونىندەگى كەلىسىمى
- شوتتىڭ بولۋى تۋرالى قىزمەت كورسەتەتىن بانكتەن انىقتامالار
- كرەديتتىك بەرەشەكتىڭ، ونىڭ ىشىندە قارجى ۇيىمدارىنان مەرزىمى وتكەن بەرەشەكتىڭ بولۋى تۋرالى انىقتامالار (كرەديتتەر بولعان كەزدە)
- قاتىسۋشىنىڭ/ۇمىتكەردىڭ جالاقىسىن جانە (نەمەسە) وزگە دە تابىستارىن راستايتىن قۇجات (جيناقتاۋشى زەينەتاقى قورىنان)
- باعالاۋ تۋرالى ەسەپ
- كەپىل بەرۋشى جانە كەپىلمەن قامتاماسىز ەتۋ جونىندەگى قۇجاتتار
ال، ءوتىنىمدى بەرۋ بويىنشا «اگرارلىق نەسيە كورپوراسياسىنىڭ» ماڭعىستاۋ وبلىسى بويىنشا فيليالىنا جۇگىنىپ، بيزنەس-جوبالارىڭدى وتكىزە الادى. https://www.gov.kz/memleket/entities/mangystau-soc؟lang=ru
