Oljas Bektenov memlekettik organdar «biýrokratiiaǵa múlde jol joq» qaǵidaty boiynsha jumys isteýi qajet ekenin málimdedi, - dep habarlaidy Dalanews.kz.
Úkimet otyrysynda ekonomikanyń naqty sektoryn qarjylandyrý máselesin qaraý barysynda premer-ministr Oljas Bektenov memlekettik organdar biznes máselelerin jedel sheship, kedergi jasamaýy kerektigin basa aitty.
«Biz uzaq kelisý rásimderi men biýrokratiialyq kedergilerdiń kesirinen nemese vedomstvoaralyq ózara bailanystardyń joqtyǵynan bolashaǵy zor bastamalardyń baiaýlap qalǵanyn kórip júrmiz. Jaqynda men investitsiialyq ahýalǵa arnalǵan keńes ótkizdim. Kóp ýaqyt boiy sozylyp kelgen suraqtar sol arada birden sheshimin tapty. Barlyq memlekettik organdar “biýrokratiiaǵa múlde jol joq” qaǵidaty boiynsha jumys isteýge tiis», - dep atap ótti Oljas Bektenov.
Bektenovtiń aitýynsha, Úkimettiń mindeti – jobalardy sózbuidaǵa salmai jyldam ári tiimdi qarjylandyrý úshin jaǵdai jasaý.
