Qazaqstanda áýe keńistigin paıdalaný qaǵıdalaryna ózgerister engizildi, dep habarlaıdy Dala News.
Úkimettiń sheshimine sáıkes, endi atys júrgiziletin, zymyran ushyrylatyn, jarylys jumystary atqarylatyn nemese ushý qaýipsizdigine qaýip tóndiretin basqa da nysandardyń ıeleri áýe qozǵalysyn basqarý ortalyqtarymen mindetti túrde ózara is-qımyl týraly kelisim jasasýy tıis.
Bul qujattarda jumys júrgiziletin aýmaqtyń shekarasy, ýaqyty jáne qaýipsizdikti qamtamasyz etý boıynsha úılestirý sharalary naqty kórsetiledi.
Sonymen qatar ushqyshsyz ushý apparattaryn paıdalaný tártibi de naqtylandy. Ásirese tyıym salynǵan aımaqtar arqyly ushý nemese eksperımenttik avıasıaǵa qatysty talaptar kúsheıtildi.
Endi mundaı ushýlar úshin áýe keńistigin paıdalanýǵa ótinim berý tártibi qatańdatylyp, qosymsha talaptar engizildi.
Jańa ózgerister ushý qaýipsizdigin arttyrýǵa jáne táýekelderdi azaıtýǵa baǵyttalǵan.
