ولجاس بەكتەنوۆ مەملەكەتتٸك ورگاندار «بيۋروكراتيياعا مٷلدە جول جوق» قاعيداتى بويىنشا جۇمىس ٸستەۋٸ قاجەت ەكەنٸن مەلٸمدەدٸ, - دەپ حابارلايدى Dalanews.kz.
ٷكٸمەت وتىرىسىندا ەكونوميكانىڭ ناقتى سەكتورىن قارجىلاندىرۋ مەسەلەسٸن قاراۋ بارىسىندا پرەمەر-مينيستر ولجاس بەكتەنوۆ مەملەكەتتٸك ورگاندار بيزنەس مەسەلەلەرٸن جەدەل شەشٸپ, كەدەرگٸ جاساماۋى كەرەكتٸگٸن باسا ايتتى.
«بٸز ۇزاق كەلٸسۋ رەسٸمدەرٸ مەن بيۋروكراتييالىق كەدەرگٸلەردٸڭ كەسٸرٸنەن نەمەسە ۆەدومستۆوارالىق ٶزارا بايلانىستاردىڭ جوقتىعىنان بولاشاعى زور باستامالاردىڭ باياۋلاپ قالعانىن كٶرٸپ جٷرمٸز. جاقىندا مەن ينۆەستيتسييالىق احۋالعا ارنالعان كەڭەس ٶتكٸزدٸم. كٶپ ۋاقىت بويى سوزىلىپ كەلگەن سۇراقتار سول ارادا بٸردەن شەشٸمٸن تاپتى. بارلىق مەملەكەتتٸك ورگاندار “بيۋروكراتيياعا مٷلدە جول جوق” قاعيداتى بويىنشا جۇمىس ٸستەۋگە تيٸس», - دەپ اتاپ ٶتتٸ ولجاس بەكتەنوۆ.
بەكتەنوۆتٸڭ ايتۋىنشا, ٷكٸمەتتٸڭ مٸندەتٸ – جوبالاردى سٶزبۇيداعا سالماي جىلدام ەرٸ تيٸمدٸ قارجىلاندىرۋ ٷشٸن جاعداي جاساۋ.
