"Báiterek" ulttyq basqarýshy holdingi jalǵyz aktsioneri bolyp tabylatyn Qazaqstan Úkimetine 2023 jyl boiynsha 65 mlrd teńge dividend tóleidi. Bul týraly Qazaqstan qor birjasynda jariialanǵan aqparatta aitylady, dep habarlaidy Dalanews.kz.
Aldynda ǵana holding ótken jyl úshin 61,16 mlrd teńge dividend tólegen bolatyn. Al qosymsha dividenttiń qarastyrylýy jaqynda Úkimet qabyldaǵan jarlyqpen bailanysty. Oǵan sáikes, holding tóleitin eń tómengi dividend mólsherin 14,2%-dan 30,95%-ǵa deiin kótergen! Iaǵni, eki eseden asa. Sonda, barlyǵyn qosa eseptegende, memleket biýdjeti 126,2 mlrd teńgemen tolyqty dep aitýǵa bolady.
Osylaisha holding 2023 jylǵy taza tabystyń 69,05%-yn nemese 281,48 mlrd teńgesin ózine qaldyrdy.
Aita ketsek, "Báiterek" holdingi 2022 jyly dividend tóleýge taza paidasynyń 15,4%-yn, 2021 jyly 29,8%-yn, 2020 goda 14,2%-yn jumsaǵan. Osy jaǵynan alǵanda, sońǵy tórt jyldaǵy holding tóleitin divident kólemi boiynsha biylǵysy eń joǵary shekti qamtyp otyr. Onyń birden eki esege artýy, sarapshylardyń pikirinshe, holdingtiń jalǵyz aktsioneri Qazaqstan Úkimetiniń biýdjet tapshylyǵymen betpe-bet kelip, bul máseleni sheshe almai jatýymen bailanysty bolýy múmkin.
Qarjy ministrliginiń málimetinshe, 2024 jylǵy respýblikalyq biýdjettiń jalpy kirisi – 20,2 trln teńge, shyǵysy – 23,4 trln teńge. Arada 3,2 trln teńge aiyrma, iaǵni tapshylyq bar.
