"بايتەرەك" ۇلتتىق باسقارۋشى حولدينگى جالعىز اكسيونەرى بولىپ تابىلاتىن قازاقستان ۇكىمەتىنە 2023 جىل بويىنشا 65 ملرد تەڭگە ديۆيدەند تولەيدى. بۇل تۋرالى قازاقستان قور بيرجاسىندا جاريالانعان اقپاراتتا ايتىلادى، دەپ حابارلايدى Dalanews.kz.
الدىندا عانا حولدينگ وتكەن جىل ءۇشىن 61،16 ملرد تەڭگە ديۆيدەند تولەگەن بولاتىن. ال قوسىمشا ديۆيدەنتتىڭ قاراستىرىلۋى جاقىندا ۇكىمەت قابىلداعان جارلىقپەن بايلانىستى. وعان سايكەس، حولدينگ تولەيتىن ەڭ تومەنگى ديۆيدەند مولشەرىن 14،2%-دان 30،95%-عا دەيىن كوتەرگەن! ياعني، ەكى ەسەدەن اسا. سوندا، بارلىعىن قوسا ەسەپتەگەندە، مەملەكەت بيۋدجەتى 126،2 ملرد تەڭگەمەن تولىقتى دەپ ايتۋعا بولادى.
وسىلايشا حولدينگ 2023 جىلعى تازا تابىستىڭ 69،05%-ىن نەمەسە 281،48 ملرد تەڭگەسىن وزىنە قالدىردى.
ايتا كەتسەك، "بايتەرەك" حولدينگى 2022 جىلى ديۆيدەند تولەۋگە تازا پايداسىنىڭ 15،4%-ىن، 2021 جىلى 29،8%-ىن، 2020 گودا 14،2%-ىن جۇمساعان. وسى جاعىنان العاندا، سوڭعى ءتورت جىلداعى حولدينگ تولەيتىن ديۆيدەنت كولەمى بويىنشا بيىلعىسى ەڭ جوعارى شەكتى قامتىپ وتىر. ونىڭ بىردەن ەكى ەسەگە ارتۋى، ساراپشىلاردىڭ پىكىرىنشە، حولدينگتىڭ جالعىز اكسيونەرى قازاقستان ۇكىمەتىنىڭ بيۋدجەت تاپشىلىعىمەن بەتپە-بەت كەلىپ، بۇل ماسەلەنى شەشە الماي جاتۋىمەن بايلانىستى بولۋى مۇمكىن.
قارجى مينيسترلىگىنىڭ مالىمەتىنشە، 2024 جىلعى رەسپۋبليكالىق بيۋدجەتتىڭ جالپى كىرىسى – 20،2 ترلن تەڭگە، شىعىسى – 23،4 ترلن تەڭگە. ارادا 3،2 ترلن تەڭگە ايىرما، ياعني تاپشىلىق بار.
