Búdjet donorlary kimder: Qazaqstannyń eń iri salyq tóleýshi kompanıalar tizimi

Kámshat Tileýhan 05 qar. 2024 10:20 1362

2023 jyldyń qorytyndysy boıynsha memlekettik búdjetke túsetin túsimder 18,9 trln teńgege jetti, bul - ótken jylmen salystyrǵanda 27,4%-ǵa artyq kólem. Qazaqstan búdjetin qampaıtý, negizinen taý-ken sektorynyń úlesine tıesili, dep habarlaıdy Dalanews.kz.

Finprom qarastyrǵan Qazaqstannyń eń iri 50 kásiporynnyń kóshbasyn "Teńizshevroıl" JSHS bastap tur: ótken jyldyń qorytyndysy boıynsha kompanıa búdjetke 3,7 trln teńge aýdardy. Sondaı-aq úzdik bestikke "Qarashyǵanaq Petrolıým Opereıtıng B. V." (978 mlrd teńge), "Mańǵystaýmunaıgaz" AQ (319,6 mlrd teńge), "KAZ Minerals Aktogay" JSHS (259,3 mlrd) jáne "Nort Kaspıan Opereıtıng Kompanı N. V." fılıaly (204,4 mlrd teńge) enedi.

Bul rette atalǵan bes kompanıanyń tórteýi salyq túsimderin aıtarlyqtaı tómendetkenin basa aıta ketelik: TSHO 17,8%-ǵa, "Qarashyǵanaq Petrolıým Opereıtıng B. V." 30,1%-ǵa, "Mańǵystaýmunaıgaz" 26,5%-ǵa, "Nort Kaspıan Opereıtıng Kompanı N. V." fılıaly 14,5%-ǵa azaıdy. Bul qubylys 2023 jyly búkil munaı sektoryna tán. Muny munaı kólemi óndirisiniń qysqarýymen túsindirýge bolady.

Úzdik bestikten bólek, 2023 jyly Qazaqstannyń eń iri 15 salyq tóleýshisine mynalar jatady:

"Qazaqstan Halyq Banki" AQ - 203 mlrd teńge;
"Ózenmunaıgaz" AQ - 198,1 mlrd teńge;
"PetroQazaqstan Oıl Prodakts" JSHS - 178,3 mlrd teńge;
"Fılıp Morrıs Qazaqstan" JSHS - 170,5 mlrd teńge;
"Azıa gaz qubyry" JSHS - 167,8 mlrd teńge;
"KAZ Minerals Bozshakol" JSHS - 159,5 mlrd teńge;
"Djeı Tı Aı Qazaqstan" JSHS - 157,5 mlrd teńge;
"Atyraý munaı óńdeý zaýyty" JSHS - 152,5 mlrd teńge;
"Embimunaıgaz" AQ - 145,9 mlrd teńge;
"Pavlodar munaı-hımıa zaýyty" JSHS - 139,2 mlrd teńge.

Jalpy úzdik 50-ge ekonomıkanyń mynadaı sala kásiporyndary jatady:

taý-ken ónerkásibi jáne ken oryndaryn barlaý - 23 kompanıa;
óńdeý ónerkásibi - 9 kompanıa;
kóterme jáne bólshek saýda - 7 kompanıa;
aqparat jáne baılanys - 3 kompanıa, atap aıtqanda uıaly baılanys operatorlary;
qarjylyq jáne saqtandyrý qyzmeti - 3 kompanıa;
kólik jáne qoıma - 3 kompanıa;
kásibı, ǵylymı jáne tehnıkalyq qyzmet - 1 kompanıa, atap aıtqanda "QazMunaıGaz "UK"AQ";
qurylys - óz qyzmetin óndirýshi sektorǵa baǵyttaǵan 1 kompanıa.