2023 جىلدىڭ قورىتىندىسى بويىنشا مەملەكەتتىك بيۋدجەتكە تۇسەتىن تۇسىمدەر 18،9 ترلن تەڭگەگە جەتتى، بۇل - وتكەن جىلمەن سالىستىرعاندا 27،4%-عا ارتىق كولەم. قازاقستان بيۋدجەتىن قامپايتۋ، نەگىزىنەن تاۋ-كەن سەكتورىنىڭ ۇلەسىنە تيەسىلى، دەپ حابارلايدى Dalanews.kz.

Finprom قاراستىرعان قازاقستاننىڭ ەڭ ءىرى 50 كاسىپورىننىڭ كوشباسىن "تەڭىزشيەۆرويل" ج ش س باستاپ تۇر: وتكەن جىلدىڭ قورىتىندىسى بويىنشا كومپانيا بيۋدجەتكە 3،7 ترلن تەڭگە اۋداردى. سونداي-اق ۇزدىك بەستىككە "قاراشىعاناق پەتروليۋم وپەرەيتينگ ب. ۆ." (978 ملرد تەڭگە)، "ماڭعىستاۋمۇنايگاز" اق (319،6 ملرد تەڭگە)، "KAZ Minerals Aktogay" ج ش س (259،3 ملرد) جانە "نورت كاسپيان وپەرەيتينگ كومپاني ن. ۆ." فيليالى (204،4 ملرد تەڭگە) ەنەدى.

بۇل رەتتە اتالعان بەس كومپانيانىڭ تورتەۋى سالىق تۇسىمدەرىن ايتارلىقتاي تومەندەتكەنىن باسا ايتا كەتەلىك: تشو 17،8%-عا، "قاراشىعاناق پەتروليۋم وپەرەيتينگ ب. ۆ." 30،1%-عا، "ماڭعىستاۋمۇنايگاز" 26،5%-عا، "نورت كاسپيان وپەرەيتينگ كومپاني ن. ۆ." فيليالى 14،5%-عا ازايدى. بۇل قۇبىلىس 2023 جىلى بۇكىل مۇناي سەكتورىنا ءتان. مۇنى مۇناي كولەمى ءوندىرىسىنىڭ قىسقارۋىمەن تۇسىندىرۋگە بولادى.

ۇزدىك بەستىكتەن بولەك، 2023 جىلى قازاقستاننىڭ ەڭ ءىرى 15 سالىق تولەۋشىسىنە مىنالار جاتادى:

1. "قازاقستان حالىق بانكى" اق - 203 ملرد تەڭگە؛
2. "وزەنمۇنايگاز" اق - 198،1 ملرد تەڭگە؛
3. "پەتروقازاقستان ويل پروداكتس" ج ش س - 178،3 ملرد تەڭگە؛
4. "فيليپ مورريس قازاقستان" ج ش س - 170،5 ملرد تەڭگە؛
5. "ازيا گاز قۇبىرى" ج ش س - 167،8 ملرد تەڭگە؛
6. "KAZ Minerals Bozshakol" ج ش س - 159،5 ملرد تەڭگە؛
7. "دجەي تي اي قازاقستان" ج ش س - 157،5 ملرد تەڭگە؛
8. "اتىراۋ مۇناي وڭدەۋ زاۋىتى" ج ش س - 152،5 ملرد تەڭگە؛
9. "ەمبىمۇنايگاز" اق - 145،9 ملرد تەڭگە؛
10. "پاۆلودار مۇناي-حيميا زاۋىتى" ج ش س - 139،2 ملرد تەڭگە.

جالپى ۇزدىك 50-گە ەكونوميكانىڭ مىناداي سالا كاسىپورىندارى جاتادى:

• تاۋ-كەن ونەركاسىبى جانە كەن ورىندارىن بارلاۋ - 23 كومپانيا؛
• وڭدەۋ ونەركاسىبى - 9 كومپانيا؛
• كوتەرمە جانە بولشەك ساۋدا - 7 كومپانيا؛
• اقپارات جانە بايلانىس - 3 كومپانيا، اتاپ ايتقاندا ۇيالى بايلانىس وپەراتورلارى؛
• قارجىلىق جانە ساقتاندىرۋ قىزمەتى - 3 كومپانيا؛
• كولىك جانە قويما - 3 كومپانيا؛
• كاسىبي، عىلىمي جانە تەحنيكالىق قىزمەت - 1 كومپانيا، اتاپ ايتقاندا "قازمۇنايگاز "ۇك"اق"؛
• قۇرىلىس - ءوز قىزمەتىن ءوندىرۋشى سەكتورعا باعىتتاعان 1 كومپانيا.