Jýrnalist Syrym Itqulov áleýmettik jelide burynǵy ministr Ermuhamet Ertisbaevty Qýandyq Bishimbaevty qoldaýǵa qatysy barlardyń biri retinde kórsetti, - dep habarlaidy Dalanews.kz.
Itqulovtyń sózinshe, endi qoǵamda Bishimbaevty aqtap alýǵa tyrysatyndardyń naýqany kúsheie túsedi.
"Qazir bári sot bastalar aldynda jáne sot otyrystary barysynda mediada Qýandyq Bishimbaevty aqtaý boiynsha kezekti naýqan bastalatynyn kórsetip otyr. Esterińizde bolsa, ol byltyr ustalǵannan keiin de birden osyndai boldy.
Sottalýshynyń týystary bir nemese birneshe piar-agenttikti tartqany aidan anyq. Óitkeni sottalýshy Bishimbaev óz eliniń patrioty, úlgili otaǵasy jáne kóptegen til biletin "qarapaiym jaqsy jigit" ekeni aitylatyn túrli jazbalar esimizde. Olardyń keibireýleri tipti sheteldik basylymdarda da shyqty.
...Biraq qaitys bolǵan adamdy qaralaýǵa tyrysqany ókinishti boldy. Olar onyń qatty mas bolǵanyn, keibir tabletkalardy qabyldaǵanyn jáne t.b. jazdy.", - dep jazdy Itqulov.
Jýrnalist bul naýqanda alǵash bolyp kóringenderdiń biri Ertisbaev ekenin aitady.
"Qýandyqtyń ákesi Ýálihan Bishimbaevtyń ulyn qorǵashtap, qoǵamdaǵy pikirge áser etýge tyrysqan videosy esterińizde me? Ol jýrnalister men blogerlerdiń úsitnen ózin, ulyn, olardyń otbasyn kópshilik aldynda qorlaǵany úshin aryz jazdy.
Al buqaraǵa ún qatý úshin oǵan Nazarbaevtyń bulbuly - Ermuhamet Ertisbaevtan basqa eshkim múmkindik bergen joq.
Ýálihan Bishimbaev ta sol siiaqty, ómir boiy "eski qazaqstandyq". Ýniversitetti basqaratyn qatardaǵy rektor retinde esepsiz bailyq jinady. Olar qandai joldarmen "tabylǵany" túsinikti, sonyń arqasynda jubaiy uzaq jyl boiy tabysty biznesti basqardy.
Kópshilik Qýandyq Bishimbaevtyń ózi de sybailas jemqorlyq úshin otyrǵanyn umytyp ketti, biraq týystarynyń yqpaldy bailanystarynyń arqasynda ol merziminen buryn bostandyqqa shyqty", - dedi Itqulov.
Aita keteiik, buǵan deiin bala quqyqtary jónindegi ýákil Dinara Zákieva da osy is boiynsha dabyl qaǵyp, jýyrda sot otyrysy bastalatynyn jetkizdi.
