جۋرناليست سىرىم يتقۇلوۆ الەۋمەتتىك جەلىدە بۇرىنعى مينيستر ەرمۇحامەت ەرتىسبايەۆتى قۋاندىق بيشىمبايەۆتى قولداۋعا قاتىسى بارلاردىڭ ءبىرى رەتىندە كورسەتتى، - دەپ حابارلايدى Dalanews.kz.
يتقۇلوۆتىڭ سوزىنشە، ەندى قوعامدا بيشىمبايەۆتى اقتاپ الۋعا تىرىساتىنداردىڭ ناۋقانى كۇشەيە تۇسەدى.
"ءقازىر ءبارى سوت باستالار الدىندا جانە سوت وتىرىستارى بارىسىندا مەديادا قۋاندىق بيشىمبايەۆتى اقتاۋ بويىنشا كەزەكتى ناۋقان باستالاتىنىن كورسەتىپ وتىر. ەستەرىڭىزدە بولسا، ول بىلتىر ۇستالعاننان كەيىن دە بىردەن وسىنداي بولدى.
سوتتالۋشىنىڭ تۋىستارى ءبىر نەمەسە بىرنەشە پيار-اگەنتتىكتى تارتقانى ايدان انىق. ويتكەنى سوتتالۋشى بيشىمبايەۆ ءوز ەلىنىڭ پاتريوتى، ۇلگىلى وتاعاسى جانە كوپتەگەن ءتىل بىلەتىن "قاراپايىم جاقسى جىگىت" ەكەنى ايتىلاتىن ءتۇرلى جازبالار ەسىمىزدە. ولاردىڭ كەيبىرەۋلەرى ءتىپتى شەتەلدىك باسىلىمداردا دا شىقتى.
...ءبىراق قايتىس بولعان ادامدى قارالاۋعا تىرىسقانى وكىنىشتى بولدى. ولار ونىڭ قاتتى ماس بولعانىن، كەيبىر تابلەتكالاردى قابىلداعانىن جانە ت.ب. جازدى."، - دەپ جازدى يتقۇلوۆ.
جۋرناليست بۇل ناۋقاندا العاش بولىپ كورىنگەندەردىڭ ءبىرى ەرتىسبايەۆ ەكەنىن ايتادى.
"قۋاندىقتىڭ اكەسى ءۋاليحان بيشىمبايەۆتىڭ ۇلىن قورعاشتاپ، قوعامداعى پىكىرگە اسەر ەتۋگە تىرىسقان ۆيدەوسى ەستەرىڭىزدە مە؟ ول جۋرناليستەر مەن بلوگەرلەردىڭ ۇسىتنەن ءوزىن، ۇلىن، ولاردىڭ وتباسىن كوپشىلىك الدىندا قورلاعانى ءۇشىن ارىز جازدى.
ال بۇقاراعا ءۇن قاتۋ ءۇشىن وعان نازاربايەۆتىڭ بۇلب ۇلى - ەرمۇحامەت ەرتىسبايەۆتان باسقا ەشكىم مۇمكىندىك بەرگەن جوق.
ءۋاليحان بيشىمبايەۆ تا سول سياقتى، ءومىر بويى "ەسكى قازاقستاندىق". ۋنيۆەرسيتەتتى باسقاراتىن قاتارداعى رەكتور رەتىندە ەسەپسىز بايلىق جينادى. ولار قانداي جولدارمەن "تابىلعانى" تۇسىنىكتى، سونىڭ ارقاسىندا جۇبايى ۇزاق جىل بويى تابىستى بيزنەستى باسقاردى.
كوپشىلىك قۋاندىق بيشىمبايەۆتىڭ ءوزى دە سىبايلاس جەمقورلىق ءۇشىن وتىرعانىن ۇمىتىپ كەتتى، ءبىراق تۋىستارىنىڭ ىقپالدى بايلانىستارىنىڭ ارقاسىندا ول مەرزىمىنەن بۇرىن بوستاندىققا شىقتى"، - دەدى يتقۇلوۆ.
ايتا كەتەيىك، بۇعان دەيىن بالا قۇقىقتارى جونىندەگى ۋاكىل دينارا زاكييەۆا دا وسى ءىس بويىنشا دابىل قاعىپ، جۋىردا سوت وتىرىسى باستالاتىنىن جەتكىزدى.
