Qýandyq Bishimbaev qaiǵyly oqiǵa bolǵannan keiin sýitsid jasamaq bolǵan. Artynsha ol videoǵa túsip, onda ósiet qaldyrǵan, - dep habarlaidy Dalanews.kz.
Bul týraly sotta Baqytjan Baijanovtyń telefonyn tekserý barysynda anyqtaldy.
"Bar zatymdy, bank akkaýnttarymdy, esepterimdi (shottar), balalaryma syilaimyn, Nazymǵa (burynǵy áieli) syilaimyn. Balalarymdy asyrasynshy", - deidi Bishimbaev birinshi videoda.
"Mansur, Karim, Raniiaǵa (úsh balasy), Nazymǵa syilaimyn" - deidi ekinshi videoda Qýandyq Bishimbaev.
Eske salaiyq,buǵan deiin Bishimbaev tergeý izoliatorynda da sýitsid jasaǵysy kelgenin aitqan bolatyn.
Prokýror Nurbekov Bishimbaevtan sol kúngi oqiǵadan keiin taǵy da sýitsidke oqtalý áreketi bolyp-bolmaǵanyn surady.
"Tergeý izoliatorynda da mundai áreketter jasaýǵa tyrystym", - dedi Bishimbaev.
Artynsha memlekettik aiyptaýshy bes ai boiy beinebaqylaý kameralarynan mundai áreketti baiqamaǵanyn jetkizdi.
"Qurmetti sot, qurmetti alqabiler, Bishimbaev ustalǵan sátten bastap bes ai boiy jeke ózim protsessýaldyq prokýror retinde tergeý izoliatorynyń kamerasyna ornatylǵan beinebaqylaý kamerasyn qaradym. Soǵan nazar aýdarsańyzdar deimin. Osy bes ai ishinde birde-bir ret ózińizge ziian keltirýge tyryspadyńyz" - dedi prokýror Saiahat Nurbekov.
Buǵan deiin sotta qylmys bolǵan jerde jumys istegen qyzmetker kýáger retinde jaýap berip, sol kúni Bishimbaev pyshaq ustap júrgenin aitqan edi.
"Saǵat 19.00 shamasynda Baijanov telefonyma habarlasyp, BAU meiramhanasyna kóterilýimdi surady. Ne úshin ekenin bilmeimin. "Tez kóteril" dedi. Men birden sol jaqqa bardym. Liftke kirsem, jedel járdem boldy. Qýandyq Ýálihanuly qolyna pyshaq ustap júrdi. Ol dárethana jaqqa pyshaqpen kirip ketti. Biz qatty qorqyp kettik, artynan erdik. Odan pyshaqty alyp, politsiia kelgenshe kúttik. 15-20 minýtta politsiia keldi", - dedi barmen.
Onyń sózinshe, Bishimbaevty kórgen kezde qasynda tek Baijanov bolǵan.
