Eks-ministr Qýandyq Bishimbaevqa qatysty sot otyrysynda marqum Saltanat Núkenovanyń kómekshisi Anar Tasova kýálik etti, - dep habarlaidy Dalanews.kz.
Saltanat Núkenova astrologiialyq boljamdar boiynsha aqyly keńester ótkizgen. Al Anar Tasova oǵan bul jumysta kómektesken.
Sot otyrysynda kýálik etken Tasova Núkenova men Bishimbaevtyń araqatynasy týraly da aitty. Onyń sózinshe, Núkenova oǵan birneshe ret Bishimbaev jumys isteýge tyiym salǵanyn aitqan. Sonymen qatar, ol byltyr Shymkentte Saltanatpen kezdesken kezde denesinen jaraqat kórgen.
"Olardyń úiine barǵanda, Saltanat shyqty. Birinshi baiqaǵanym: onyń múlde kóńil kúii bolmady. Ol alǵa (kóliktiń aldyńǵy ornyna - esk.) otyrdy, sol jaǵynda qylǵyndyrǵan belgiler, arqan izderi baryn kórdim. Onyń sol jaǵy kógerip turdy. Birden jaman oi keldi. Biz kofe ishetin orynda otyrdyq.
Áńgime barysynda ol Qýandyq tiran ekenin aitty. Qurbylarymen, ápkelerimen sóilesýge ruqsat bermeitinin, únemi onyń baqylaýynda ekenin jetkizdi. Biz shamamen 2-3 saǵat otyrdyq, osy ýaqyt ishinde onyń kóńil kúii bolmady. Kóbine olardyń qarym-qatynasy týraly aitty. Únemi aiǵai-shý ekenin, ony baqylap otyratynyn da aitty", - dedi Tasova.
Kýáger Saltanat Qýandyqqa turmysqa shyqqanǵa deiin jaqsy tabys tapqanyn, iaǵni tabysy aiyna shamamen 3-4 million teńge bolǵanyn aitty. Sonymen qatar, ol marqum óz jumysyn jaqsy kórgenin ári onyń jumysyna kóńili tolatyn klientteri de bolǵanyn jetkizdi.
Keiinirek kýáger Núkenovamen aradaǵy hattardy oqyp berdi. Jeke hattarda jumys barysy týraly áńgimeler aitylǵan.
Aita keteiik, 27 naýryzda eks-ministr Qýandyq Bishimbaevtyń isi boiynsha alqabiler tańdalǵan edi. Alqabiler alqasyna 12 adam irikteldi: 10 – negizgi quram, 2 – qosalqy. Sodan keiin ashyq sot otyrystary bastaldy.
Sonymen qatar, Qýandyq Bishimbaev sotta Saltanat Núkenovany asa qatygezdikpen óltirgenin moiyndamady. Bul oqiǵa 2023 jyly 9 qarashada Astana qalasyndaǵy BAU meiramhanasynda boldy.
Sot otyrystarynda oqiǵa bolǵan kezdiń, dálirek, Bishimbaev Saltanatty shashynan súirep, tepkilegen sumdyq kadrlar kórsetildi.
