Túrkistan oblysynda mektep túlekteriniń qatysýymen «Mektebim, saǵan myń alǵys!» atty saltanatty is-shara mektep qabyrǵasynda ótkizildi. Túrkistan oblysy ákiminiń orynbasary Beisenbai Tájibaev oblys ortalyǵynda ornalasqan №15 M.Jumabaev atyndaǵy mektep-gimnaziiasyndaǵy sońǵy qońyraý rásimine qatysyp,jas túlekterge jyly lebizin bildirdi.
Aiaqtalǵaly otyrǵan oqý jyly óńir úshin de jemisti jyl boldy. 2024-2025 oqý jylynda 33 884 oqýshy 11-synypty támamdady. Onyń 2313-i – «Altyn belgige» úmitkerler, 2400 oqýshy jalpy orta bilim berý týraly «Úzdik attestatqa» úmitker atandy. Al ulttyq biryńǵai testileýge qatysýǵa 27 386 oqýshy ótinim bildirgen.
– Sizderdi Oqý jylynyń aiaqtalýymen quttyqtaimyn! Biyl Naýryz aiynda ótken Ulttyq quryltaida Memleket basshysy Qasym-Jomart Kemeluly «Bizdiń basty kúshimiz – adam jáne onyń jasampazdyq áleýeti» dep aitqan bolatyn. Osy oqý jylynda oblysta bilim salasynda barlyq bilim alýshylardyń jaǵdaiy úshin kóptegen jumystar atqaryldy. Túrkistan oblysynda biylǵy oqý jylynda jalpy 1093 mektepte 553 myńnan astam oqýshy bilim aldy. Oblys oqýshylary ártúrli respýblikalyq olimpiadalar men ǵylymi jobalarǵa qatysyp, 12 altyn, 16 kúmis, 27 qola medal ielendi. Elimizdiń bolashaǵy – sizderdiń qoldaryńyzda. Sondyqtan ár kezde tereń bilim alý jolynda jalyqpai, talmai, izdenip, el tizginin ustaityn azamat bolýlaryńyzdy tileimin, – dedi Beisenbai Dáýletuly.
2026-2028 jyldar aralyǵynda Túrkistan oblysynda 16100 oryndy 53 mektep salý josparlanýda. Oblysta biyl 100-den mektepte aǵymdaǵy jóndeý jumystary júrgiziledi.
Aita keteiik, QR Oqý-aǵartý ministrliginiń buiryǵyna sáikes oqý jyly 34 aptaǵa jalǵasty. Búgin barlyq 1-11 synyp oqýshylary úshin «Bilimim – Otanyma» taqyrybynda biryńǵai synyp saǵaty ótkizildi. Bul oqýshylardyń jyl boiy alǵan bilimin qorytyndylap, otansúigishtikke tárbieleýge baǵyttalǵan.
Aiaqtalǵaly otyrǵan oqý jyly oblys úshin jemisti jyl boldy. 2024-2025 oqý jylyndaǵy qoǵamdyq-gýmanitarlyq jáne jaratylystaný baǵyttaǵy respýblikalyq olimpiadaǵa qatysýshy-komandalardyń sapalyq reitingi boiynsha Túrkistan oblysy úzdik úshtikte. Sondai-aq Qazaqstan Respýblikasy Oqý-aǵartý ministri Ǵani Beisembaevtyń bilim salasyndaǵy 20 ólshemsharttan turatyn reiting kórsetkishiniń nátijesinde respýblika boiynsha «Úzdik 100 mekteptiń» qataryna Túrkistan óńirinen 5 bilim ordasy endi.
Shara sońynda mekteptiń úzdik oqýshylary arnaiy marapattalyp, ónerli oqýshylary patriottyq ánder oryndalyp, myń buralǵan bishiler kóremenniń ystyq yqylysyna bóledi.
