Memlekettik granttyq jobalar – adam, balalar quqyqtaryn qorǵaý, genderlik teńdikti damytý, bilim berý, densaýlyq saqtaý, qorshaǵan orta jáne ulttyq birlik ideiasyn ilgeriletý siiaqty qoǵamnyń áleýmettik, mádeni salalarynyń 12 baǵytyn qamtidy.
Qazirgi ýaqytta Azamattyq bastamalardy qoldaý ortalyǵy úkimettik emes uiymdardan kelip túsken ótinishterdi qabyldap bastady.
Qujattardy qabyldaý 2022 jyldyń 7 aqpanyna deiin jalǵasady.
– Ótken jyldardaǵydai biz shaǵyn granttar, ádistemelik, taldamalyq, uiymdastyrýshylyq kómek siiaqty quraldar arqyly ÚEU-ǵa, azamattyq bastamalarǵa jan-jaqty qoldaý kórsetýge baǵyttalǵan jumysty jalǵastyratyn bolamyz. Eń bastysy, Ortalyq memlekettik jáne memlekettik emes qarajatpen jumys istei otyryp, granttardy iske asyrýdyń ashyqtyǵy men eseptiligine basa nazar aýdaratyn bolady, – dep málimdedi Azamattyq bastamalardy qoldaý ortalyǵy Basqarmasynyń tóraiymy Lima Dias.
Memlekettik granttardy usyný konkýrsyna: bankrot dep tanylǵan; múlki qamaýǵa alynyp, qarjylyq áreketi toqtatylǵan; tarap ketý aldynda turǵan ÚEU qatysa almaidy.
Al, ÚEU-dyń málimetter Bazasynda maǵlumattary bar jáne ÚEU konkýrsyna qatysý talaptaryna, bekitilgen Qaǵidasyna sáikes keletin ótinim usynǵan ÚEU atalmysh konkýrsqa qatysa alady.
