Jiynǵa QR Parlament Májilisiniń depýtaty, «Nur Otan» partiiasy janyndaǵy Jumyspen qamtýdy jáne halyqtyń áleýmettik osal toptaryn qoldaý jónindegi respýblikalyq qoǵamdyq keńesinniń tóraǵasy Elnur Beisenbaev tóraǵalyq etip, jaýapty ministrlik pen oblys ákimdikteriniń esebin tyńdady. QR Eńbek jáne halyqty áleýmettik qorǵaý vitse-ministri Erjan Birjanov, Soltústik Qazaqstan oblysy ákiminiń orynbasary Sátjan Ablaliev, Májilis depýtaty Edil Janbyrshinder qatysyp, óz oilaryn ortaǵa saldy.
Jalpy baǵdarlama bastalǵaly Pavlodar, Soltústik Qazaqstan oblystarynan arnaiy delegatsiialar Túrkistan oblysyna turaqty túrde kelip, úgit-nasihat jumystaryn júrgizgen. Qalǵan eki oblysta bul jumystar baiaý. Sondai-aq biyl jeke kásipker, qoǵam belsendisi Jańabai Aǵabekov óz qarajaty esebinen avtobýs jaldap, oblystan 30 adamnyń Pavlodar oblysyna baryp-qaitýyna demeýshilik jasaǵan. Nátijesinde baryp qaitqan 30 adamnyń 28 otbasy Pavlodar oblysyna qonys aýdarǵan.
Sondai-aq ol ońtústik óńirden erikti túrde qonys aýdarýǵa niet bildirgen azamattarǵa kóship baratyn óńirden 1 ailyq jatyn ornymen qamtamasyz etetin ortalyq ashýdy da usyndy. Soltústikke kóshken azamattardyń nesie qaryzyn óteýdi 1 jylǵa shegerý, nekede turǵandardy balanstyq qunnyń qaldyq qunymen 5 jyl ótkennen keiin jekeshelendirý quqyǵymen páterdi jalǵa berý, ońtústik óńirdegi iri kásipkerleri men isker azamattaryna soltústikten sharýashylyq maqsattaǵy jerdi jalǵa berý isin jandandyrý qajet dep esepteidi. Eger bir kásipker 10 nemese 20 otbasyny kóshirip, olardy jumyspen qamtysa, memlekettik qoldaýlar kórsetilýi tiis. Kópbalaly otbasylarǵa, «Kúmis alqa», «Altyn alqa» ielerine erekshe jaǵdai, qosymsha kómekter úilestirilýi kerek degen syndy usynystar da aityldy.
Otyrysta «Serpin» memlekettik baǵdarlamasy týraly da sóz boldy. Atalǵan baǵdarlama aiasynda sońǵy 5 jylda Túrkistan oblysy boiynsha joǵary oqý oryndaryna 10364 jas oqýǵa qabyldanǵan. Biyl «Serpin» jobasynyń 320 túlegi oqýdy aiaqtaǵanymen Soltústik óńirlerine turaqty jumysqa tura alǵan joq. 2019 jyly 5109 grant bólinip, 2292 adam oqýǵa tússe, 2020 jyly 979 adam ǵana qabyldanǵan. Granttardy tolyq úlestirý jumystaryn jaýapty ministrlik tiianaqty túrde júrgizýi tiis.
Otyrysty qorytyndylaǵan keńes tóraǵasy E.Beisenbaev jiyn barasynda aitylǵan utymdy usynystardyń baǵdarlamalarǵa engiziletin jetkizdi.
