Biyl Túrkistan oblysynyń sportshylary túrli jarystarǵa qatysyp, 380 altyn medal utty
Oblysta sportpen turaqty túrde shuǵyldanýshylar sany 541968 adamǵa jetip, halyqtyń 27,7 paiyzyn quraǵan. Aǵymdaǵy jyldyń sońǵy jeti aiy boiynsha aitar bolsaq, oblys sportshylary sporttyń 63 túrinen Qazaqstan Respýblikasynyń chempionattary, kýboktary men birinshilikterine qatysyp, 380 altyn, 373 kúmis, 352 qola medal jeńip aldy.
Al, Aziia chempionattary men kýboktarynda 62 altyn, 47 kúmis jáne 30 qola medalǵa qol jetkizdi. Álemdik dodalarda 20 altyn, 6 kúmis jáne 11 qola medal oljalaǵan.
Oblysta buqaralyq sportty tiisti deńgeide damýda. Bul rette balalar men jasóspirimder sportyn damytý mańyzdy orynǵa shyǵyp otyr. Biyl buqaralyq sportty damytý maqsatynda oblys aýmaǵynda 2820 is-shara ótkizilip, oǵan 340664 adam qatysqan. Aýyldy jerlerde 1950 sporttyq jarystar uiymdastyrylyp, oǵan 245426 adam qamtyldy.
Qazir óńirde sportty janyna serik etkisi keletinder kóp. Olarǵa jaǵdai jasaý úshin aýyldy jerlerde mekteptiń sport zaldary men alańdaryn paidalanýdyń mańyzy artyp tur. Sondai-aq, sport mektepteri de kóptep ashylýda. Bir sózben aitqanda, jastardy sportqa baýlý maqsatynda júieli jumystar júrip jatyr. Barlyq qalalyq, aýdandyq balalar men jasóspirimder sport mektepterinde, sporttyq klýbtar men sporttyq sektsiialarǵa qatysý úshin qyzyǵýshylyq tanytqan balalarǵa sporttyq sektsiia túrleri tegin júrgiziledi.
Dalanews.kz
