وبلىستا سپورتپەن تۇراقتى تۇردە شۇعىلدانۋشىلار سانى 541968 ادامعا جەتىپ، حالىقتىڭ 27،7 پايىزىن قۇراعان. اعىمداعى جىلدىڭ سوڭعى جەتى ايى بويىنشا ايتار بولساق، وبلىس سپورتشىلارى سپورتتىڭ 63 تۇرىنەن قازاقستان رەسپۋبليكاسىنىڭ چەمپيوناتتارى، كۋبوكتارى مەن بىرىنشىلىكتەرىنە قاتىسىپ، 380 التىن، 373 كۇمىس، 352 قولا مەدال جەڭىپ الدى.
ال، ازيا چەمپيوناتتارى مەن كۋبوكتارىندا 62 التىن، 47 كۇمىس جانە 30 قولا مەدالعا قول جەتكىزدى. الەمدىك دودالاردا 20 التىن، 6 كۇمىس جانە 11 قولا مەدال ولجالاعان.
وبلىستا بۇقارالىق سپورتتى ءتيىستى دەڭگەيدە دامۋدا. بۇل رەتتە بالالار مەن جاسوسپىرىمدەر سپورتىن دامىتۋ ماڭىزدى ورىنعا شىعىپ وتىر. بيىل بۇقارالىق سپورتتى دامىتۋ ماقساتىندا وبلىس اۋماعىندا 2820 ءىس-شارا وتكىزىلىپ، وعان 340664 ادام قاتىسقان. اۋىلدى جەرلەردە 1950 سپورتتىق جارىستار ۇيىمداستىرىلىپ، وعان 245426 ادام قامتىلدى.
ءقازىر وڭىردە سپورتتى جانىنا سەرىك ەتكىسى كەلەتىندەر كوپ. ولارعا جاعداي جاساۋ ءۇشىن اۋىلدى جەرلەردە مەكتەپتىڭ سپورت زالدارى مەن الاڭدارىن پايدالانۋدىڭ ماڭىزى ارتىپ تۇر. سونداي-اق، سپورت مەكتەپتەرى دە كوپتەپ اشىلۋدا. ءبىر سوزبەن ايتقاندا، جاستاردى سپورتقا باۋلۋ ماقساتىندا جۇيەلى جۇمىستار ءجۇرىپ جاتىر. بارلىق قالالىق، اۋداندىق بالالار مەن جاسوسپىرىمدەر سپورت مەكتەپتەرىندە، سپورتتىق كلۋبتار مەن سپورتتىق سەكسيالارعا قاتىسۋ ءۇشىن قىزىعۋشىلىق تانىتقان بالالارعا سپورتتىق سەكسيا تۇرلەرى تەگىن جۇرگىزىلەدى.
Dalanews.kz
