Óńir basshysy aldymen «Asia Trafo» JSHS 110-120 kVt bolatyn joǵary kerneýli transformator shyǵaratyn zaýytyn aralap kórdi. 2016 jyldan bastap salyna bastaǵan nysandy iske qosý jumystary 2018 jyldyń ekinshi toqsanyna josparlanyp otyr.
– Zaýyt iske qosylýǵa ázirlik jumystaryn jandandyryp jatyr. Bul kásiporyn iske qosylǵan jaǵdaıda 400 adamdy jumyspen qamtýǵa múmkindik týady. Eń bastysy – qazirgi tańda kásiporynda atqarylyp jatqan jumystarǵa oń baǵa berýge bolady. Sondyqtan jumysty josparly túrde júrgizip, zaýytty erterek iske qosýǵa mán bergen jón, – dedi J. Túımebaev.
Aıta keteıik, kásiporyn kásipkerlikti qoldaý kartasynyń aıasynda júzege asyrylýda. Mundaǵy joba quny 17,5 mlrd. teńgeni quraıdy. Zaýyt jylyna 120 transformator shyǵarýdy josparlap otyr. Zaýyt ónimderi Qazaqstan men TMD elderiniń suranasyn qanaǵattandyratyn bolady.
«Tassaı» ındýstrıalyq aımaǵynyń jalpy aýmaǵy 89 gektardy quraıdy. Munda búginde jalpy quny 37 mlrd 948 mln teńgeni quraıtyn 25 ınvestısıalyq joba júzege asyrylýda. Jobalar tolyq iske assa, 1631 jumys orny ashylmaq.
Indýstrıaldy aımaqty aralap kórgen óńir basshysy kógaldandyrý jáne abattandyrý jumystarynyń da barysymen tanysty. Qazirgi tańda aımaqta 2500 dekaratıvti tal-daraq otyrǵyzylǵan. Olardyń arasynda qaıyń, qyrymdyq qaraǵaı, qaraǵash syndy túrleri de bar.
OQO ákiminiń baspasóz qyzmeti
