ءوڭىر باسشىسى الدىمەن «Asia Trafo» ج ش س 110-120 كۆت بولاتىن جوعارى كەرنەۋلى ترانسفورماتور شىعاراتىن زاۋىتىن ارالاپ كوردى. 2016 جىلدان باستاپ سالىنا باستاعان نىساندى ىسكە قوسۋ جۇمىستارى 2018 جىلدىڭ ەكىنشى توقسانىنا جوسپارلانىپ وتىر.
– زاۋىت ىسكە قوسىلۋعا ازىرلىك جۇمىستارىن جانداندىرىپ جاتىر. بۇل كاسىپورىن ىسكە قوسىلعان جاعدايدا 400 ادامدى جۇمىسپەن قامتۋعا مۇمكىندىك تۋادى. ەڭ باستىسى – قازىرگى تاڭدا كاسىپورىندا اتقارىلىپ جاتقان جۇمىستارعا وڭ باعا بەرۋگە بولادى. سوندىقتان جۇمىستى جوسپارلى تۇردە جۇرگىزىپ، زاۋىتتى ەرتەرەك ىسكە قوسۋعا ءمان بەرگەن ءجون، – دەدى ج. تۇيمەبايەۆ.
ايتا كەتەيىك، كاسىپورىن كاسىپكەرلىكتى قولداۋ كارتاسىنىڭ اياسىندا جۇزەگە اسىرىلۋدا. مۇنداعى جوبا قۇنى 17،5 ملرد. تەڭگەنى قۇرايدى. زاۋىت جىلىنا 120 ترانسفورماتور شىعارۋدى جوسپارلاپ وتىر. زاۋىت ونىمدەرى قازاقستان مەن تمد ەلدەرىنىڭ سۇراناسىن قاناعاتتاندىراتىن بولادى.
«تاسساي» يندۋستريالىق ايماعىنىڭ جالپى اۋماعى 89 گەكتاردى قۇرايدى. مۇندا بۇگىندە جالپى قۇنى 37 ملرد 948 ملن تەڭگەنى قۇرايتىن 25 ينۆەستيسيالىق جوبا جۇزەگە اسىرىلۋدا. جوبالار تولىق ىسكە اسسا، 1631 جۇمىس ورنى اشىلماق.
يندۋستريالدى ايماقتى ارالاپ كورگەن ءوڭىر باسشىسى كوگالداندىرۋ جانە اباتتاندىرۋ جۇمىستارىنىڭ دا بارىسىمەن تانىستى. قازىرگى تاڭدا ايماقتا 2500 دەكاراتيۆتى تال-داراق وتىرعىزىلعان. ولاردىڭ اراسىندا قايىڭ، قىرىمدىق قاراعاي، قاراعاش سىندى تۇرلەرى دە بار.
وقو اكىمىنىڭ باسپا ءسوز قىزمەتى
