Shyǵys Qazaqstan oblysynda jyl basynan kásipkerlikti damytýǵa baǵyttalǵan qarjynyń bári igerilipi, 838 shaǵyn nesie halyqqa berilgen. Osy shaǵyn nesieniń 694-i aýyl halqynyń turmysyn kóterýge baǵyttalsa, jalpy kólemi 438 mln teńgeniń quraityn 160 shaǵyn nesieni kópbalaly otbasylarǵa berilgenin basqarma basshysynyń orynbasary atap ótti.
Óńirdegi shaǵyn kásipkerlikti damytýǵa baǵyttalǵan shaǵyn nesielerdiń arqasynda oblys aýmaǵynda 693 jumys oryny ashylyp, 292 kásipker óz kásibin keńeitýge múmkindik alypty. Sonymen qatar «Bastaý biznes» baǵdarlamasy boiynsha kásipkerlikpen ainalysýǵa niettengen eki myńnan astam adam bilim alǵanyn aita ketýimiz kerek.
Óz kezeginde Doshan Qaiyrǵazinov Shyǵys Qazaqstan oblysyndaǵy biznes-ideialardy júzege asyrý úshin 1,1 mlrd teńgeni quraityn 1815 memlekettik grant berilgenin aitty. Bir granttyń kólemi 200 ailyq eseptik kórsetkishke teń. Qazirgi tańǵa deiin jalpy quny 999 mln teńgeniń quraityn 1713 grant kásipkerlikpen ainalysýǵa yqylasy aýǵan azamattarǵa berilipti. Qalǵany jyl aiaǵyna deiin beriledi. Baspasóz máslihaty barysynda 600 grant turmysy tómen jáne kópbalaly otbasylaǵa berilgenin estidik.
