شىعىس قازاقستان وبلىسىندا جىل باسىنان كەسٸپكەرلٸكتٸ دامىتۋعا باعىتتالعان قارجىنىڭ بەرٸ يگەرٸلٸپٸ, 838 شاعىن نەسيە حالىققا بەرٸلگەن. وسى شاعىن نەسيەنٸڭ 694-ٸ اۋىل حالقىنىڭ تۇرمىسىن كٶتەرۋگە باعىتتالسا, جالپى كٶلەمٸ 438 ملن تەڭگەنٸڭ قۇرايتىن 160 شاعىن نەسيەنٸ كٶپبالالى وتباسىلارعا بەرٸلگەنٸن باسقارما باسشىسىنىڭ ورىنباسارى اتاپ ٶتتٸ.
ٶڭٸردەگٸ شاعىن كەسٸپكەرلٸكتٸ دامىتۋعا باعىتتالعان شاعىن نەسيەلەردٸڭ ارقاسىندا وبلىس اۋماعىندا 693 جۇمىس ورىنى اشىلىپ, 292 كەسٸپكەر ٶز كەسٸبٸن كەڭەيتۋگە مٷمكٸندٸك الىپتى. سونىمەن قاتار «باستاۋ بيزنەس» باعدارلاماسى بويىنشا كەسٸپكەرلٸكپەن اينالىسۋعا نيەتتەنگەن ەكٸ مىڭنان استام ادام بٸلٸم العانىن ايتا كەتۋٸمٸز كەرەك.
ٶز كەزەگٸندە دوسحان قايىرعازينوۆ شىعىس قازاقستان وبلىسىنداعى بيزنەس-يدەيالاردى جٷزەگە اسىرۋ ٷشٸن 1,1 ملرد تەڭگەنٸ قۇرايتىن 1815 مەملەكەتتٸك گرانت بەرٸلگەنٸن ايتتى. بٸر گرانتتىڭ كٶلەمٸ 200 ايلىق ەسەپتٸك كٶرسەتكٸشكە تەڭ. قازٸرگٸ تاڭعا دەيٸن جالپى قۇنى 999 ملن تەڭگەنٸڭ قۇرايتىن 1713 گرانت كەسٸپكەرلٸكپەن اينالىسۋعا ىقىلاسى اۋعان ازاماتتارعا بەرٸلٸپتٸ. قالعانى جىل اياعىنا دەيٸن بەرٸلەدٸ. باسپاسٶز مەسليحاتى بارىسىندا 600 گرانت تۇرمىسى تٶمەن جەنە كٶپبالالى وتباسىلاعا بەرٸلگەنٸن ەستٸدٸك.
