شقو حالىقتى جۇمىسپەن قامتۋ جانە الەۋمەتتىك باعدارلامالاردى ۇيلەستىرۋ باسقارماسى باسشىسىنىڭ ورىنباسارى دوسحان قايىرعازينوۆ بۇگىن باسپا ءسوز ءماسليحاتىندا وبلىس تۇرعىندارىنىڭ جاپپاي كاسىپكەرلىكپەن اينالىسۋىن قولداۋ ءۇشىن مەملەكەت تاراپىنان 4 ملرد تەڭگە قاراستىرىلعانىن العا تارتتى. وڭىردە كاسىپكەرلىكتى دامىتۋعا باعىتتالعان مەملەكەتتىك گرانتتاردىڭ جىلدىق پايىزدىڭ مولشەرلەمەسى 6 پايىزدى قۇرايدى.
شىعىس قازاقستان وبلىسىندا جىل باسىنان كاسىپكەرلىكتى دامىتۋعا باعىتتالعان قارجىنىڭ ءبارى يگەرىلىپى، 838 شاعىن نەسيە حالىققا بەرىلگەن. وسى شاعىن نەسيەنىڭ 694ء-ى اۋىل حالقىنىڭ تۇرمىسىن كوتەرۋگە باعىتتالسا، جالپى كولەمى 438 ملن تەڭگەنىڭ قۇرايتىن 160 شاعىن نەسيەنى كوپبالالى وتباسىلارعا بەرىلگەنىن باسقارما باسشىسىنىڭ ورىنباسارى اتاپ ءوتتى.
وڭىردەگى شاعىن كاسىپكەرلىكتى دامىتۋعا باعىتتالعان شاعىن نەسيەلەردىڭ ارقاسىندا وبلىس اۋماعىندا 693 جۇمىس ورىنى اشىلىپ، 292 كاسىپكەر ءوز كاسىبىن كەڭەيتۋگە مۇمكىندىك الىپتى. سونىمەن قاتار «باستاۋ بيزنەس» باعدارلاماسى بويىنشا كاسىپكەرلىكپەن اينالىسۋعا نيەتتەنگەن ەكى مىڭنان استام ادام ءبىلىم العانىن ايتا كەتۋىمىز كەرەك.
ءوز كەزەگىندە دوسحان قايىرعازينوۆ شىعىس قازاقستان وبلىسىنداعى بيزنەس-يدەيالاردى جۇزەگە اسىرۋ ءۇشىن 1،1 ملرد تەڭگەنى قۇرايتىن 1815 مەملەكەتتىك گرانت بەرىلگەنىن ايتتى. ءبىر گرانتتىڭ كولەمى 200 ايلىق ەسەپتىك كورسەتكىشكە تەڭ. قازىرگى تاڭعا دەيىن جالپى قۇنى 999 ملن تەڭگەنىڭ قۇرايتىن 1713 گرانت كاسىپكەرلىكپەن اينالىسۋعا ىقىلاسى اۋعان ازاماتتارعا بەرىلىپتى. قالعانى جىل اياعىنا دەيىن بەرىلەدى. باسپا ءسوز ءماسليحاتى بارىسىندا 600 گرانت تۇرمىسى تومەن جانە كوپبالالى وتباسىلاعا بەرىلگەنىن ەستىدىك.
