Búginde óńirdegi kópbalaly otbasylardyń balalaryna mektep formasy, aıaq kıimmen jáne mektepte tegin tamaqpen qamtý isi tolyqtaı júzege asyp otyr. Sonymen qatar kópbalaly otbasylardyń mektep jasyna tolmaǵan balalary balabaqshaǵa barǵan jaǵdaıda olar aqy tóleýden tolyqtaı bosatylady.
Al kásiptik-tehnıkalyq bilim berý mekemelerinde tálim alyp jatqan balalary tegin tamaq pen jatyn orynmen qamtylyp otyrǵanyn atap aıta ketýimiz kerek.
Budan basqa kásipkerlikpen aınalysaýǵa yqylasy aýǵan kópbalaly otbasylarǵa 555 mln teńge kóleminde jeńildetilgen shaǵyn nesıeler qarastyrylǵan. Bıyl osy nesıeni alýǵa kópbalaly otbasylardan 124 ótinim kelip túsken.
Budan basqa Shyǵys Qazaqstan oblysynda kópbalaly otbasylardy baspanamen qamtý isi de sátti júzege asýda. Osy ýaqytqa deıin óńirdegi 2875 kópbalaly otbasy baspanaǵa ıe bolǵany sózimizge dálel bolady. Olardyń 1250-i ústimizdegi jyly baspanaly bolǵan. Jalpy, kópbalaly otbasylardy baspanamen qamtý isin oblysy ákimi Danıal Ahmetovtyń jeke baqylaýynda.
– Jyl aıaǵyna deıin óńirde 1250 kópbalaly otbasy qonys toıyn toılaıtyn bolady. Kezekte turǵandardyń sany jyl saıyn artyp keledi. 2017 jyldan bastap baspana alý kezegi 4 esege ósti. Kópbalaly otbasylardyń turǵyn úı alý kezegin 2022 jylǵa deıin joıýdy josparlap otyrmyz, – dedi Danıal Ahmetov.
Osylaısha Danıal Ahmetov oblys aýmaǵyndaǵy kópbalaly otbasylardyń baspana máselesin tolyqtaı sheshýdi kózdep otyr.
