بۇگىندە وڭىردەگى كوپبالالى وتباسىلاردىڭ بالالارىنا مەكتەپ فورماسى، اياق كيىممەن جانە مەكتەپتە تەگىن تاماقپەن قامتۋ ءىسى تولىقتاي جۇزەگە اسىپ وتىر. سونىمەن قاتار كوپبالالى وتباسىلاردىڭ مەكتەپ جاسىنا تولماعان بالالارى بالاباقشاعا بارعان جاعدايدا ولار اقى تولەۋدەن تولىقتاي بوساتىلادى.
ال كاسىپتىك-تەحنيكالىق ءبىلىم بەرۋ مەكەمەلەرىندە ءتالىم الىپ جاتقان بالالارى تەگىن تاماق پەن جاتىن ورىنمەن قامتىلىپ وتىرعانىن اتاپ ايتا كەتۋىمىز كەرەك.
بۇدان باسقا كاسىپكەرلىكپەن اينالىساۋعا ىقىلاسى اۋعان كوپبالالى وتباسىلارعا 555 ملن تەڭگە كولەمىندە جەڭىلدەتىلگەن شاعىن نەسيەلەر قاراستىرىلعان. بيىل وسى نەسيەنى الۋعا كوپبالالى وتباسىلاردان 124 ءوتىنىم كەلىپ تۇسكەن.
بۇدان باسقا شىعىس قازاقستان وبلىسىندا كوپبالالى وتباسىلاردى باسپانامەن قامتۋ ءىسى دە ءساتتى جۇزەگە اسۋدا. وسى ۋاقىتقا دەيىن وڭىردەگى 2875 كوپبالالى وتباسى باسپاناعا يە بولعانى سوزىمىزگە دالەل بولادى. ولاردىڭ 1250ء-ى ۇستىمىزدەگى جىلى باسپانالى بولعان. جالپى، كوپبالالى وتباسىلاردى باسپانامەن قامتۋ ءىسىن وبلىسى اكىمى دانيال احمەتوۆتىڭ جەكە باقىلاۋىندا.
– جىل اياعىنا دەيىن وڭىردە 1250 كوپبالالى وتباسى قونىس تويىن تويلايتىن بولادى. كەزەكتە تۇرعانداردىڭ سانى جىل سايىن ارتىپ كەلەدى. 2017 جىلدان باستاپ باسپانا الۋ كەزەگى 4 ەسەگە ءوستى. كوپبالالى وتباسىلاردىڭ تۇرعىن ءۇي الۋ كەزەگىن 2022 جىلعا دەيىن جويۋدى جوسپارلاپ وتىرمىز، – دەدى دانيال احمەتوۆ.
وسىلايشا دانيال احمەتوۆ وبلىس اۋماعىنداعى كوپبالالى وتباسىلاردىڭ باسپانا ماسەلەسىن تولىقتاي شەشۋدى كوزدەپ وتىر.
