Biyl Shyǵystaǵy aýyldardyń 80 paiyzy sapaly aýyz sýmen qamtylady
Oblys ákimi Danial Ahmetov halyqpen bolǵan eseptik kezdesýinde ShQO turǵyndaryn sapaly aýyzsýmen qamtamasyz etý salasynda atqarylǵan jáne bolashaqta júzege asyrylatyn jumystar týraly aityp berdi.
2019 jyly qolǵa alynǵan 69 joba boiynsha 18 nysan qoldanysqa berildi. Sonyń nátijesinde 2015 jyldan beri aýyldyq eldi mekenderdi aýyzsýmen qamtý kórsetkishi 42-den 67%-ǵa deiin ósti. Sonymen qosa 77 shaǵyn aýylda sý tazartý jáne taratý blok-modýldi stantsiialary ornatyldy.
Biyl 30 sýmen qamtý jáne sý tartý nysanyn qoldanysqa berý, sonymen qatar 50 shaǵyn aýylda sýdy tazartý jáne taratý blok-modýldi stantsiialaryn ornatý josparlanyp otyr.
Aimaq basshysy Danial Ahmetov atap ótkendei, 2020 jyly óńirde ortalyqtandyrylǵan aýyzsý júiesimen qamtamasyz etilgen aýyldardyń úlesi 76,5% bolsa, sapaly aýyzsýǵa qoly jetken aýyl turǵyndarynyń úlesi 81% bolady.
