وبلىس اكىمى دانيال احمەتوۆ حالىقپەن بولعان ەسەپتىك كەزدەسۋىندە شقو تۇرعىندارىن ساپالى اۋىزسۋمەن قامتاماسىز ەتۋ سالاسىندا اتقارىلعان جانە بولاشاقتا جۇزەگە اسىرىلاتىن جۇمىستار تۋرالى ايتىپ بەردى.
2019 جىلى قولعا الىنعان 69 جوبا بويىنشا 18 نىسان قولدانىسقا بەرىلدى. سونىڭ ناتيجەسىندە 2015 جىلدان بەرى اۋىلدىق ەلدى مەكەندەردى اۋىزسۋمەن قامتۋ كورسەتكىشى 42-دەن 67%-عا دەيىن ءوستى. سونىمەن قوسا 77 شاعىن اۋىلدا سۋ تازارتۋ جانە تاراتۋ بلوك-مودۋلدى ستانسيالارى ورناتىلدى.
بيىل 30 سۋمەن قامتۋ جانە سۋ تارتۋ نىسانىن قولدانىسقا بەرۋ، سونىمەن قاتار 50 شاعىن اۋىلدا سۋدى تازارتۋ جانە تاراتۋ بلوك-مودۋلدى ستانسيالارىن ورناتۋ جوسپارلانىپ وتىر.
ايماق باسشىسى دانيال احمەتوۆ اتاپ وتكەندەي، 2020 جىلى وڭىردە ورتالىقتاندىرىلعان اۋىزسۋ جۇيەسىمەن قامتاماسىز ەتىلگەن اۋىلداردىڭ ۇلەسى 76،5% بولسا، ساپالى اۋىزسۋعا قولى جەتكەن اۋىل تۇرعىندارىنىڭ ۇلەسى 81% بولادى.
