Búgingi tańda «Qazsýshar» RMK filialdary Almaty, Jambyl, Qyzylorda, Túrkistan jáne Jetisý oblystarynyń diqandaryna 3 mlrd 73 mln tekshe metrden astam sý berdi. Bul týraly Sý resýrstary jáne irrigatsiia ministrligi málim etti,- dep habarlaidy Dalanews.kz
Bul byltyrmen salystyrǵanda 335 mln tekshe metrge kóp. 2024 jyldyń osy kezeńinde 2 mlrd 738 mln tekshe metr sý jetkizilgen bolatyn.
Almaty oblysynyń sharýalaryna 50 mln tekshe metrden astam sý berildi, bul bir jyl burynǵydan 6 mln tekshe metrge artyq.
Jambyl oblysynyń diqandaryna 135 mln tekshe metrden astam sý berildi, bul ótken bir jylmen salystyrǵanda shamamen 50 mln tekshe metrge artyq.
Al Jetisý oblysyndaǵy sý paidalanýshylarǵa 196 mln tekshe metr sýarmaly sý jiberildi. Qyzylorda oblysynyń diqandaryna 1 mlrd 280 mln tekshe metrden astam sý berildi, bul bir jyl burynǵydan 74 mln tekshe metrge artyq.
Túrkistan oblysynyń sharýa qojalyqtaryna 1 mlrd 412 mln tekshe metrge jýyq sý berildi.
Bul byltyrmen salystyrǵanda 234 mln tekshe metrge artyq. Qazirgi ýaqytta joǵaryda atalǵan bes oblysta 348 myń gektardan astam egistik alqaptary sýaryldy. Onyń 25 817 gektary Almaty oblysyna, 42 600 gektary Jambyl oblysyna, 33 674 gektary Jetisý oblysyna, 126 300 gektary Qyzylorda oblysyna, 119 900 gektary Túrkistan oblysyna tiesili.
– Sý resýrstary jáne irrigatsiia ministri Nurjan Nurjigitovtiń tapsyrmasymen vedomstvo mamandarynan quralǵan tórt jumys toby quryldy. Olar sýdyń zańsyz paidalanylýyn anyqtaidy, sondai-aq Qazaqstannyń ońtústiginde sýdy únemdeý, retteý jáne bólý máseleleri boiynsha monitoring júrgizedi. Sonymen qatar sý únemdeý tehnologiialaryn engizý, ylǵal súigish daqyldardyń kólemin qysqartý jáne túngi sýarý ádisin qoldaný boiynsha túsindirý jumystary júrgizilýde. Kanaldar arqyly sýdy kezekpen jiberý kesteleri ázirlenip, iske asyrylyp jatyr, – dedi Sý resýrstary jáne irrigatsiia birinshi vitse-ministri Nurlan Aldamjarov.
